Josué 21:44 - Mbeti ti Nzapa - Tënë so amu fini

⁴⁴ KOTA GBIA amu ala lege ti wu tere na ya ti sese ni kue, tongana ti so lo deba yanga ti lo lani na akotara ti ala. KOTA GBIA azia awato ti ala kue na maboko ti ala, mbeni oko alingbi ti gbu le ni na ala pepe.

Josué 21:44 ပူးပေါင်းရင်းမြစ်များ

2 Mbai 13:16

Azo ti Israel akpe na dawa ti azo ti Juda si Nzapa azia azo ti Israel na maboko ti azo ti Juda ni.

Sigingo 23:31

Fade mbi yeke sara titene katikati ti sese ti ala alondo na kota ngu-ingo ti Asosongo ague ngbii asi na kota ngu-ingo ti Mediterane, akiri alondo na benyama ti Sinai ague ngbii asi na *bale ti Efrate. Mbi yeke zia azo ti sese ni na maboko ti ala si ala yeke tumba azo ni.

Sigingo 33:14

KOTA GBIA akiri tënë na Moïse, atene: “Mbi wani, mbi yeke gue na ala! Mo gi be ti mo pepe.”

Ésaïe 63:14

Ala yeke tongana anyama so ayeke zu ti gue na popo-hoto. Yingo ti KOTA GBIA ague na ala na mbeni ndo ti wungo tere.” Biani KOTA GBIA, tongaso laa mo fa lege na azo ti mo; mo sara tongaso titene azo agonda iri ti mo so awu.

Ndia ti fani use ni 2:36

Ti londo na gbata ti Aroer so ayeke na yanga ti ngu ti Arnon ti hon na mbage ti gbata so ayeke na popo-hoto ngbii ti si na Galaad, mbeni gbata oko so akara e ayeke daa pepe. KOTA GBIA Nzapa ti e azia agbata ni kue na maboko ti e.

Ndia ti fani use ni 21:10

Moïse atene: Mbeni ye tongaso alingbi ti si: ala azo ti Israel, ala gue ti tiri bira na awato ti ala, *KOTA GBIA azia awato ti ala ni na maboko ti ala si ala gbu azo ti ga azo ti kanga.

Ahebro 4:9

So aye ti tene, mbeni lango ti wungo tere angba ndali ti azo ti Nzapa, tongana ti lango mbarambara ni.

Josué 1:13

“Ala dabe ti ala na yanga so Moïse, zo ti kua ti KOTA GBIA, amu na ala ando, lo tene: ‘KOTA GBIA, Nzapa ti ala, amu na ala lege ti wungo tere; lo mu na ala sese so ayeke na To ti ngu ti Jourdain so awe.’

Josué 1:15

ngbii KOTA GBIA amu lege na a-ita ti ala ti wu tere, tongana ti so lo sara na ala so; fade a-ita ti ala ni ayeke wara nga sese so KOTA GBIA, Nzapa ti ala ayeke mu na ala. Na pekoni, ala azo ti mara ti Ruben, ti Gad nga na ndambo ti mara ti Manase ayeke kiri na sese so Moïse, zo ti kua ti KOTA GBIA amu na ala, na mbage ti ngu ti Jourdain, ndo so lâ ayeke sigigi daa so.”

Josué 1:5

Na lango so kue mo ngba na fini, fade mbeni zo ti gbu le ni na mo ayeke daa pepe. Fade mbi yeke na mo tongana ti so mbi yeke ando na Moïse; mbi yeke do mo ti zia mo pepe, mbi yeke zia mo oko pepe.

Josué 11:12

Josué amu agbata kue ti agbia so nga na agbia ni kue. Lo fâ ala kue, lo hunzi ala tongana ti so Moïse, zo ti kua ti *KOTA GBIA, amu yanga ando so.

Josué 11:23

Josué amu sese ni kue alingbi na tënë so KOTA GBIA atene ando na Moïse. Na pekoni, Josué amu ni na azo ti Israel titene aga ti ala si lo kangbi ni na lege ti amara ti ala. Tongaso, sese ni aduti na siriri, bira ayeke daa pepe.

Josué 11:8

KOTA GBIA azia ala na maboko ti azo ti Israel si azo ti Israel ahon ndö ti ala. Ala tumba peko ti ala na Banga ngbii asi na Sidon, kota gbata; ala tumba peko ti ala ngbii asi na Misrefot-Maim, ngbii asi na popo-hoto ti Mispe, na To. Ala fâ ala kue, ala zia zo oko angba na fini pepe.

Josué 2:24

Ala tene na lo: “Taa-tënë, KOTA GBIA azia kodro ni kue na maboko ti e awe. Ataa azo ti kodro ni kue, ngangu ti ala ahunzi na dawa ti e.”

Josué 22:4

Fadeso, KOTA GBIA, Nzapa ti ala, amu lege na a-ita ti ala ni ti wu tere tongana ti so lo mu lani zendo ni na ala. Ala lingbi ti kiri na ndo ti ala, na sese so Moïse, zo ti kua ti KOTA GBIA, amu na ala titene aga ti ala na To ti ngu ti Jourdain.

Josué 22:9

Tongaso, azo ti mara ti Ruben, ti Gad na ndambo ti mara ti Manase akiri na ndo ti ala. Ala zia azo ti Israel na Silo so ayeke na sese ti Kanaan si ala gue na sese ti Galaad, sese so a mu na ala alingbi na yanga so *KOTA GBIA amu na lege ti Moïse.

Josué 23:1

Na peko ti so *KOTA GBIA azi azo ti Israel na maboko ti awato ti ala so angoro ala, lo mu na ala siriri aninga awe. Josué aga mbakoro si ngu ti lo ahon mingi awe.