Josué 21:43 - Mbeti ti Nzapa - Tënë so amu fini

⁴³ KOTA GBIA amu na azo ti Israel sese so kue lo deba yanga ti lo ti mungo na akotara ti ala. Ala mu ni aga ti ala si ala duti daa biani biani.

Josué 21:43 ပူးပေါင်းရင်းမြစ်များ

Tongo nda ti aye 12:7

KOTA GBIA asi na Abram si lo tene na Abram, lo tene: “Mbi yeke mu ande kodro so na *ahale ti mo.” Abram aleke mbeni gbalaka na ndo so ndali ti KOTA GBIA so asi na lo.

Tongo nda ti aye 13:15

Tongaso, kodro so mo yeke baa ni so, mbi yeke mu ande ni na mo nga na *ahale ti mo, titene aga ti ala biani biani.

Tongo nda ti aye 28:4

Ayeke nzoni tufa so lo sara na ndö ti Abraham so, lo sara ni na ndö ti mo, na *ahale ti mo. Tongaso kodro so Nzapa amu ando na Abraham si mo yeke duti daa tongana wande so, kodro ni ayeke ga ti mo.”

2 Mbai 20:8

Ala sara kodro na ndo so si ala sara kota da na iri ti mo, ala tene:

Néhémie 9:24

Ala li na sese ni, ala mu ni si aga ti ala. Mo sara si azo ti sese ni, azo Kanaan, ati na gbe ti akotara ti e; mo zia azo ni, na agbia ti ala na maboko ti akotara ti e. Akotara ti e asara na azo ni ye ti be ti ala.

Néhémie 9:8

Mo baa so lo yeke bata be ti lo na mo lakue; nilaa mo na lo asara *mbuki: mo mu zendo ti mu na *ahale ti lo sese ti azo ti Kanaan, ti azo ti mara ti Het, ti Amori, ti Perizi, ti Yebus na ti Girgashi. Mo sara ye alingbi na zendo ni, ngbanga ti so mo yeke mbirimbiri.

Abia (Psaumes) 105:8

Lo dabe ti lo lakue na tënë ti *mbuki ti lo, tënë ti yanga ti lo so ague ngbii asi na ahale ti ala ti molongo saki oko;

Abia (Psaumes) 44:3

Na lege ti ngangu ti mo, mo tumba amara nde na ndö ti sese ti ala si mo zia akotara ti e na ndö ti sese ni. Mo sara ngangu na amara ni titene azo ti mo awara ndo.

Abia (Psaumes) 78:55

Lo tumba amara nde na dawa ti ala, lo haka sese ti amara ni si lo kangbi ni na azo ti lo titene aga ti ala, lo sara si amara ti Israel aduti na gbe ti ada ti bongo ti azo ni.

Sigingo 3:8

Nilaa mbi zu ti zi ala na maboko ti azo ti Ezipte, ti mu ala na sese so ala yeke daa, ti gue na ala na mbeni nzoni sese so akono, so *ngu ti me ti bagara na mafuta ti wotoro asi singo daa. Sese ni ayeke sese ti azo ti Kanaan, ti azo ti mara ti Het, ti Amori, ti Perizi, ti Hivi na ti Yebus.

Jérémie 32:23

Ala ga si ala mu kodro ni titene aga ti ala. Ye oko, ala ma tënë ti mo pepe, ala bata lege ti andia ti mo pepe, ala ke ti sara ye so mo mu yanga na ala ti sarango ni. Nilaa mo tokua akpale so kue na ndö ti ala laso.

Wungo ti azo 33:53

Ala yeke mu sese ni, ala yeke lango daa, ngbanga ti so mbi mu ni na ala titene aga ti ala.

Wungo ti azo 34:2

Mu yanga so na azo ti Israel, mo tene: “Ala ga nduru ti li na sese ti Kanaan awe. Kanaan ayeke sese so a yeke mu na ala titene aga ti ala; akatikati ni ayeke so:

Ndia ti fani use ni 11:31

Ala ga nduru ti fâ ngu ti Jourdain awe ti gue ti mu sese so KOTA GBIA Nzapa ti ala amu na ala. Fade ala yeke mu ni titene aga ti ala si ala yeke sara kodro kâ.

Ndia ti fani use ni 12:29

Moïse atene: Na dawa ti ala, fade *KOTA GBIA Nzapa ti ala, azo ti Israel, ayeke fâ azo ti amara nde so ala yeke li ande na sese ti ala. Ala yeke tumba amara ni si ala yeke duti na sese ni na peko ti azo ni.

Ndia ti fani use ni 17:14

Moïse atene: Ala azo ti Israel, fade ala yeke li na sese so KOTA GBIA Nzapa ti ala ayeke mu na ala titene aga ti ala si ala yeke sara kodro kâ. E hinga pepe, mbeni lâ, fade ala yeke tene: “E ye ti wara mbeni gbia ti duti na li ti e tongana ti ambeni mara so angoro e.”

Ndia ti fani use ni 34:4

Tongaso KOTA GBIA atene na lo: “So ayeke sese so mbi deba yanga ti mbi ando ti mu na Abraham, Isaac na Jacob si mbi tene: ‘Fade mbi yeke mu sese ni na *ahale ti ala.’ Mbi fa ni na mo titene mo baa ni na le ti mo, me mo yeke si daa pepe.”

Josué 1:6

Gbu ngangu, mo sara ye ti koli, ngbanga ti so mo laa mo yeke sara ande titene kodro so mbi deba yanga ti mbi ti mu na akotara ti ala, aga ye ti ala.

Josué 21:42

Agbata oko oko so kue, ando ti tengo pere ndali ti anyama angoro ni.

Awafango-ngbanga 11:24

Sese so nzapa ti mo Kemosh amu na mo so, ayeke ti mo pepe? Ti e, sese so KOTA GBIA, Nzapa ti e amu na e awe so, ayeke ti e pepe?

1 Samuel 12:8

So Jacob asi lani na Ezipte, akotara ti ala atoto na KOTA GBIA. KOTA GBIA atokua Moïse na Aaron ti sara si akotara ti ala asigigi na sese ti Ezipte, ti zia ala na ya ti kodro so.