Josué 21:38 - Mbeti ti Nzapa - Tënë so amu fini

³⁸ Na sese ti azo ti mara ti Gad, a mu na ala agbata osio nga na ando ti tengo pere ndali ti anyama ti ala. Agbata ni ayeke so: Ramot, gbata so azo so afâ zo na mbana pepe ayeke kpe daa ti bata tere ti ala, na sese ti Galaad; Mahanaim,

Josué 21:38 ပူးပေါင်းရင်းမြစ်များ

Tongo nda ti aye 32:2

Jacob angba na lege ti gue si *a-ange ti Nzapa aga awara lo.

2 Samuel 17:24

David asi na kodro ti Mahanaim. Absalom na aturugu kue ti Israel afâ ngu ti Jourdain.

2 Samuel 19:32

Barzilai, zo ti Rogelim, na sese ti Galaad ague nga na yanga ti ngu ti Jourdain. Lo na gbia afâ ngu ni si gi na yanga ti ngu ni, lo zia gbia ti kiri.

2 Samuel 2:8

Andaa makonzi ti aturugu ti Saul, Abner, molenge ti Ner, amu lani Ishebaal, molenge ti Saul ague na lo na kodro ti Mahanaim.

1 Agbia 22:3

Andaa gbia Akab atene na akota zo so angoro lo, atene: “Ala hinga kue atene, gbata ti Ramot, na sese ti Galaad ayeke ti e. E yeke ku nyen ti gue ti kiri ti mu ni na maboko ti gbia ti Sirii?”

1 Agbia 4:13

Molenge ti Geber ayeke govoronere na kodro ti Ramot, na sese ti Galaad; akete kodro ti Yair, na sese ti Galaad ayeke na gbe ti lo. Yair ayeke molenge ti Manase. Molenge ti Geber ayeke nga govoronere ti sese ti Argob so ayeke na Bashan. Akota gbata baleomene ti sese ni kâ ayeke na angangu gbagba na tere ni si angbongboro wen ti kangango na ayanga ti agbagba ni ayeke na bengba wen;

1 Agbia 4:14

Ahinadab, molenge ti Ido ayeke govoronere ti sese ti Mahanaim;

Ndia ti fani use ni 4:43

Agbata ni ayeke Beser, na kpangbara sese so ayeke na benyama, ndali ti azo ti mara ti Ruben; Ramot na sese ti Galaad, ndali ti azo ti mara ti Gad; Golan na sese ti Bashan, ndali ti azo ti mara ti Manase.

Josué 13:26

Sese ni akiri alondo na Heshebon ague ngbii asi na Ramat-Mispe nga na Betonim; akiri alondo na Mahanaim ague ngbii asi na sese ti Lo-Dabar.

Josué 13:30

Katikati ti sese ti ala ni na mbage ti Mbongo ayeke Mahanaim. Sese ti Bashan kue, sese kue ti Og, gbia ti Bashan nga na akete kodro baleomene ti Yair so ayeke na Bashan, kue ayeke na ya ni.

Josué 20:8

Na mbage ti ngu ti Jourdain, na To ti Jéricho, ala soro gbata ti Beser, so ayeke na benyama, na kpangbara sese so ayeke ti azo ti mara ti Ruben. Ala soro nga Ramot, so ayeke na sese ti Galaad si ayeke ti azo ti mara ti Gad; Golan, so ayeke na Bashan si ayeke ti azo ti mara ti Manase.

Josué 21:37

A mu nga na ala Kedemot na Mefaat.

Josué 21:39

Heshebon na Yazer.