Josué 21:27 - Mbeti ti Nzapa - Tënë so amu fini

²⁷ A mu na ambeni zo ti kete mara ti Lévi, so ayeke asewa ti Gershon agbata use nga na ando ti tengo pere ndali ti anyama ti ala; agbata ni na ando ni ayeke na sese ti ndambo ti mara ti Manase, na To ti ngu ti Jourdain. Agbata ni ayeke so: Golan, gbata so azo afâ zo na mbana pepe ayeke kpe daa ti bata tere ti ala, na sese ti Bashan, nga na gbata ti Beshetera.

Josué 21:27 ပူးပေါင်းရင်းမြစ်များ

1 Mbai 6:47

Ahale ti Gershom na lege ti asewa ti ala awara agbata baleoko na ota; agbata ni ayeke na sese ti azo ti mara ti Isakar, ti Aser ti Neftali na ti ndambo ti mara ti Manase so aduti na Bashan.

Ndia ti fani use ni 1:4

Moïse atene atënë ni na ala na peko ti so lo kinda Sihon, gbia ti azo ti mara ti Amori so ayeke lango na gbata ti Heshebon; lo kinda nga na gbata ti Edrei, Og, gbia ti Bashan so ayeke lango na gbata ti Ashetarot.

Ndia ti fani use ni 4:43

Agbata ni ayeke Beser, na kpangbara sese so ayeke na benyama, ndali ti azo ti mara ti Ruben; Ramot na sese ti Galaad, ndali ti azo ti mara ti Gad; Golan na sese ti Bashan, ndali ti azo ti mara ti Manase.

Josué 20:8

Na mbage ti ngu ti Jourdain, na To ti Jéricho, ala soro gbata ti Beser, so ayeke na benyama, na kpangbara sese so ayeke ti azo ti mara ti Ruben. Ala soro nga Ramot, so ayeke na sese ti Galaad si ayeke ti azo ti mara ti Gad; Golan, so ayeke na Bashan si ayeke ti azo ti mara ti Manase.

Josué 21:26

Wungo ti agbata so kue a mu na tanga ti akete mara ti hale ti Kehat ayeke baleoko nga na ando ti tengo pere ndali ti anyama ti ala.

Josué 21:28

Na sese ti azo ti mara ti Isakar, a mu na ala agbata osio na ando ti tengo pere ndali ti anyama ti ala. Agbata ni ayeke so: Kishion, Dabrat,

Josué 21:6

Akete mara ti Gershon awara ti ala agbata baleoko na ota na sese ti Isakar, ti Aser, ti Neftali na ti ndambo ti mara ti Manase so ayeke na Bashan.