Josué 21:1 - Mbeti ti Nzapa - Tënë so amu fini

¹ Amakonzi ti asewa ti mara ti Lévi aga awara wayango-sandaga Elazar, lo na Josué, molenge ti Nune nga na amakonzi ti asewa ti amara ti Israel

Josué 21:1 ပူးပေါင်းရင်းမြစ်များ

Tongo nda ti aye 49:7

Mbi deba ngonzo ti ala; ngonzo ti ala ni ayeke sioni mingi! Mbi deba nga sarango ye ti ala na ngonzo; sarango ye ti ala ni ayeke sioni mingi! Mbi yeke kangbi ya ti ala na sese ti Jacob kue si ala yeke kangbi tere ti ala na ya ti kodro ti Israel.

Sigingo 6:14

Iri ti ababâ ti asewa ti azo ti Israel na lege ti molongo ni ayeke so: Ruben, kozo molenge ti Jacob. Amolenge ti Ruben ti koli ayeke so: Hanok, Palu, Hesron na Karmi. So ayeke akotara ti akete mara ti Ruben laa.

Sigingo 6:25

Elazar, molenge ti Aaron ti koli amu mbeni molenge ti Putiel ti ga wali ti lo. Lo na Elazar adu Pinas. So ayeke iri ti ababâ ti asewa ti azo ti mara ti Lévi na lege ti akete mara ti ala laa.

Wungo ti azo 35:1

Na lando ti Moab, na tere ti ngu ti Jourdain so abaa le na gbata ti Jéricho, *KOTA GBIA atene na Moïse:

Wungo ti azo 35:8

Azo ti mara ti Israel so ayeke wara agbata mingi, fade ala yeke mu nga agbata mingi na azo ti mara ti Lévi. Azo ti mara ti Israel so ayeke wara agbata mingi pepe, fade ala yeke mu nga agbata mingi pepe. Mara oko oko ayeke mu agbata alingbi na wungo ti agbata so lo yeke wara ni.”

Josué 14:1

Baa asese so a kangbi na azo ti Israel titene aga ti ala na sese ti Kanaan laa. Wayango-sandaga Elazar, na Josué, molenge ti Nune na amakonzi ti asewa ti amara ti Israel laa akangbi ni na ala.

Josué 17:4

Amolenge-wali ni ague, abaa wayango-sandaga Elazar na Josué, molenge ti Nune nga na akota zo ti kodro si ala tene na ala: “*KOTA GBIA amu yanga na Moïse ti mu sese na e tongana ti so lo mu na a-ita ti e ti koli.” Tongaso a mu na ala sese tongana ti so a mu na a-ita ti babâ ti ala, alingbi na yanga so KOTA GBIA amu.

Josué 19:51

Wayango-sandaga Elazar, na Josué, molenge ti Nune, na amakonzi ti asewa ti azo ti mara ti Israel akangbi asese nde nde so na amara ni na lege ti mbeni ye so ala bi. Ala sara ye ni so na Silo, na dawa ti KOTA GBIA, na yanga ti da ti bongo so Nzapa na azo ti lo ayeke wara tere daa. Lege so ala hunzi kangbingo asese ni laa.