Josué 20:9 - Mbeti ti Nzapa - Tënë so amu fini

⁹ So ayeke agbata so azo ti Israel asoro ni titene zo so afâ zo na mbana pepe, lo kpe daa ti bata tere ti lo. Agbata ni ayeke ndali ti azo ti Israel nga ndali ti awande so aduti na popo ti ala. Tongaso, zo so afâ mba ti lo na mbana pepe alingbi ti kpe kâ si zo so aye ti kiri peko ti sioni na zo ti fango zo ni awara lege ti sarango sioni na lo pepe. Fade a yeke fâ lo pepe kozo titene a fâ ngbanga na ndö ti lo na dawa ti bongbi ti azo.

Josué 20:9 ပူးပေါင်းရင်းမြစ်များ

Wungo ti azo 35:13

Agbata so zo ayeke kpe daa ti bata tere ti lo ayeke duti omene.

Wungo ti azo 35:15

Agbata omene so ayeke duti ndo so azo ti Israel, awande nga na agene so aga gango ayeke kpe daa ti bata tere ti ala. Mbeni zo so afâ mba ti lo na mbana pepe, lo lingbi ti kpe daa ti bata tere ti lo.

Josué 20:4

Zo so afâ mba ti lo na mbana pepe so, tongana lo si na yanga ti gbata ni, fade lo yeke luti na ndo so ti fa na akangba ti gbata ni peko ti ye so lo sara. Akangba ni ayeke mu lo na tere ti ala, ala yeke li na lo na ya ti gbata ni si ala yeke mu na lo ndo titene lo lango daa na popo ti ala.

Josué 20:6

Zo ti fango zo ni ayeke ngba na ya ti gbata so ngbii asi na ndembe so a yeke fâ ngbanga na ndö ti lo na dawa ti bongbi ti azo. Lo yeke ngba kâ ngbii kota wayango-sandaga so ayeke sara kua na ngoi ni so akui si. Na pekoni, fade zo ti fango zo ni akiri na da ti lo, na gbata so lo londo daa si lo kpe so.”

Josué 20:8

Na mbage ti ngu ti Jourdain, na To ti Jéricho, ala soro gbata ti Beser, so ayeke na benyama, na kpangbara sese so ayeke ti azo ti mara ti Ruben. Ala soro nga Ramot, so ayeke na sese ti Galaad si ayeke ti azo ti mara ti Gad; Golan, so ayeke na Bashan si ayeke ti azo ti mara ti Manase.