Josué 20:8 - Mbeti ti Nzapa - Tënë so amu fini

⁸ Na mbage ti ngu ti Jourdain, na To ti Jéricho, ala soro gbata ti Beser, so ayeke na benyama, na kpangbara sese so ayeke ti azo ti mara ti Ruben. Ala soro nga Ramot, so ayeke na sese ti Galaad si ayeke ti azo ti mara ti Gad; Golan, so ayeke na Bashan si ayeke ti azo ti mara ti Manase.

Josué 20:8 ပူးပေါင်းရင်းမြစ်များ

1 Agbia 22:6

Tongaso gbia ti Israel abongbi awayanga-nzapa nduru na ngbangbo osio si lo hunda ala, lo tene: “Alingbi mbi gue, mbi tiri bira na Ramot, na sese ti Galaad wala mbi zia lege ni?” Ala kiri tënë na lo, atene: “Mo lingbi ti gue senge! Fade Kota Gbia ayeke zia gbata ni na maboko ti mo, gbia.”

2 Agbia 8:28

Ahazia na Yoram, molenge ti Akab ague ti tiri bira na Hazael, gbia ti Sirii na gbata ti Ramot, na sese ti Galaad. Na ya ti bira ni, azo ti Sirii azia ka na tere ti Yoram.

Ndia ti fani use ni 3:10

E mu agbata kue ti kpangbara sese so ayeke na mbage ti nduzu; e mu nga sese kue ti Galaad na ti Bashan, ngbii asi na Salka nga na Edrei, agbata use so Og ayeke le-gbia daa, na sese ti Bashan.

Ndia ti fani use ni 4:43

Agbata ni ayeke Beser, na kpangbara sese so ayeke na benyama, ndali ti azo ti mara ti Ruben; Ramot na sese ti Galaad, ndali ti azo ti mara ti Gad; Golan na sese ti Bashan, ndali ti azo ti mara ti Manase.

Josué 20:7

Agbata so azo ti Israel azia ni nde ayeke so: Kedesh, so ayeke na Genezaret na sese ti Neftali, ndo so ahoto ayeke daa, Sishem, so ayeke na sese ti Efraim, ndo so ahoto ayeke daa, Kiriat-Arba, so a iri ni nga Hebron na sese ti Juda, ndo so ahoto ayeke daa.

Josué 20:9

So ayeke agbata so azo ti Israel asoro ni titene zo so afâ zo na mbana pepe, lo kpe daa ti bata tere ti lo. Agbata ni ayeke ndali ti azo ti Israel nga ndali ti awande so aduti na popo ti ala. Tongaso, zo so afâ mba ti lo na mbana pepe alingbi ti kpe kâ si zo so aye ti kiri peko ti sioni na zo ti fango zo ni awara lege ti sarango sioni na lo pepe. Fade a yeke fâ lo pepe kozo titene a fâ ngbanga na ndö ti lo na dawa ti bongbi ti azo.

Josué 21:27

A mu na ambeni zo ti kete mara ti Lévi, so ayeke asewa ti Gershon agbata use nga na ando ti tengo pere ndali ti anyama ti ala; agbata ni na ando ni ayeke na sese ti ndambo ti mara ti Manase, na To ti ngu ti Jourdain. Agbata ni ayeke so: Golan, gbata so azo afâ zo na mbana pepe ayeke kpe daa ti bata tere ti ala, na sese ti Bashan, nga na gbata ti Beshetera.

Josué 21:36

Na sese ti azo ti mara ti Ruben, so ayeke na To ti ngu ti Jourdain si abaa le na Jéricho, a mu na ala agbata osio na ando ti tengo pere ndali ti anyama ti ala. Agbata ni ayeke so: Beser, gbata so azo so afâ zo na mbana pepe ayeke kpe daa ti bata tere ti ala si ayeke na benyama, nga na Yahas.

Josué 21:38

Na sese ti azo ti mara ti Gad, a mu na ala agbata osio nga na ando ti tengo pere ndali ti anyama ti ala. Agbata ni ayeke so: Ramot, gbata so azo so afâ zo na mbana pepe ayeke kpe daa ti bata tere ti ala, na sese ti Galaad; Mahanaim,