Josué 20:3 - Mbeti ti Nzapa - Tënë so amu fini

³ Tongana mbeni zo afâ zo na mbana pepe, wala lo laa lo yeda ti fâ zo ni pepe, lo lingbi ti kpe na ya ti mbeni gbata ni so ti bata tere ti lo. Tongaso, fade lo lingbi ti kpe zo so aye ti kiri peko ti sioni na zo ti fango zo ni.

Josué 20:3 ပူးပေါင်းရင်းမြစ်များ

2 Samuel 14:11

Wali ni atene: “Ayeke nzoni gbia adeba yanga ti lo na iri ti *KOTA GBIA, Nzapa ti lo titene zo so alingbi ti kiri peko ti fango molenge ti mbi na zo ti fango lo, alingbi lo kiri lo zia vundu na ndö ti vundu pepe na fango tanga ti molenge so angba na mbi!” Gbia ni atene: “KOTA GBIA ayeke na fini! Ataa kua ti li ti molenge ti mo oko ayeke ti pepe!”

Awayango-sandaga 4:2

ti tene na azo ti Israel, atene: “Tongana mbeni zo asara siokpari na mbana ti be ti lo pepe, tongana lo sara ye so ndia ti KOTA GBIA ake ni, ye so a lingbi ti sara ndali ti zo ni ayeke so:

Wungo ti azo 35:12

Agbata so ayeke ga ndo so zo ni ayeke kpe daa ti bata tere ti lo, tongaso si zo so alingbi ti kiri peko ti fango zo ni na lo alingbi ti fâ lo pepe. Tongana ade ti fâ ngbanga na li ti lo na dawa ti bongbi ti azo ti Israel pepe, fade a yeke fâ lo pepe.

Wungo ti azo 35:19

Zo so alingbi ti kiri peko ni na zo ni laa ayeke fâ lo. Tongana lo wara lo, lo yeke fâ lo.

Wungo ti azo 35:22

“Mbeni ye tongaso alingbi ti si: mbeni zo apusu mba ti lo na mbana pepe, lo sara na sioni be pepe si mba ti lo ni akui, wala mbeni zo abi mbeni ye si ague, afâ mba ti lo, me zo ni aleke na be ti lo ti sara sioni pepe;

Ahebro 6:18

Dengo ba so Nzapa ade na zendo so lo mu so ayeke ngba lakue; tënë ti mvene ayeke na ya ti aye use so oko pepe. Aye use so ayeke kpengba e mingi, e so e zia be ti e ti ku ti wara ye so Nzapa aye ti mu na e.

Josué 20:2

“Tene na azo ti Israel, mo tene: ayeke nzoni ala soro agbata so ala lingbi ti kpe daa ti bata tere ti ala; mbi tene tënë ni ando na Moïse ti tene na ala.

Josué 20:4

Zo so afâ mba ti lo na mbana pepe so, tongana lo si na yanga ti gbata ni, fade lo yeke luti na ndo so ti fa na akangba ti gbata ni peko ti ye so lo sara. Akangba ni ayeke mu lo na tere ti ala, ala yeke li na lo na ya ti gbata ni si ala yeke mu na lo ndo titene lo lango daa na popo ti ala.