Josué 2:24 - Mbeti ti Nzapa - Tënë so amu fini

²⁴ Ala tene na lo: “Taa-tënë, KOTA GBIA azia kodro ni kue na maboko ti e awe. Ataa azo ti kodro ni kue, ngangu ti ala ahunzi na dawa ti e.”

Josué 2:24 ပူးပေါင်းရင်းမြစ်များ

Sigingo 15:15

Be ti amakonzi ti Edom afun kue. Tere ti akota zo ti Moab ado na mbeto, be ti azo ti Kanaan kue awoko awe.

Sigingo 23:31

Fade mbi yeke sara titene katikati ti sese ti ala alondo na kota ngu-ingo ti Asosongo ague ngbii asi na kota ngu-ingo ti Mediterane, akiri alondo na benyama ti Sinai ague ngbii asi na *bale ti Efrate. Mbi yeke zia azo ti sese ni na maboko ti ala si ala yeke tumba azo ni.

Amato 25:13

Na ngoi ti fango ale ti kobe, ngu ti de ayeke sara si tere ti zo ade nzoni. Legeoko nga, zo ti tokua so asara kua ti lo na legeni ayeke de be ti zo ti tokuango lo.

Josué 1:8

Ayeke nzoni atënë ti ya ti mbeti ti Ndia so angba lakue na yanga ti mo; mo gbu li ti mo daa bi na lâ, mo gi nga lege ti sara aye so kue alingbi na tënë so a su na ya ti mbeti ni. Tongaso si aye so kue mo leke na be ti mo ti sarango ni, mo yeke sara ni na legeni si aga nzoni.

Josué 2:23

Tongaso azo use so alondo na ndö ti ahoto ni si ala zu. Ala fâ ngu ti Jourdain si ala ga na tere ti Josué, molenge ti Nune, ala fa na lo peko ti aye so kue asi na ala.

Josué 5:1

Agbia kue ti azo ti mara ti Amori so ayeke na mbage ti ngu ti Jourdain, na Do, na agbia kue ti azo ti Kanaan so ayeke na tere ti kota ngu-ingo ti Mediterane ama a tene, *KOTA GBIA asara si ngu ti Jourdain ahole na dawa ti azo ti Israel ngbii ala kue afâ ngu ni. So agbia ni ama tënë so, be ti ala afun kue, ala yeke na ngangu ti gbu le ni na azo ti Israel pepe.

Josué 6:2

*KOTA GBIA atene na Josué: “Baa, mbi zia na maboko ti mo awe gbata ti Jéricho, gbia ni nga na angangu zo ti bira ni.

Josué 8:1

*KOTA GBIA atene na Josué: “Sara mbeto pepe, be ti mo awoko pepe. Mu aturugu ti mo kue, mo gue, mo tiri bira na azo ti gbata ti Ai. Baa, mbi zia na maboko ti mo awe gbia ti Ai, azo ti gbata ti lo, gbata ti lo nga na kodro ti lo.

Awafango-ngbanga 1:2

KOTA GBIA akiri tënë na ala: “Mara ti Juda laa ayeke gue; mbi zia kodro ni na maboko ti ala awe.”

Awafango-ngbanga 18:10

Tongana ala li ande na ya ti kodro ni, ala yeke si na ndo ti azo so mbeto ti mbeni ye oko ayeke sara ala pepe. Kodro ni akono mingi; Nzapa azia kodro ni na maboko ti ala awe. Ndo so ala yeke wara anzoni ye ti sese kue daa laa.”

Awafango-ngbanga 7:9

Gi na bi ni so, *KOTA GBIA atene na Gédéon: “Londo, mo li na ya ti bâbâ ti azo ti Madian ti sara bira, ngbanga ti so mbi zia ala na maboko ti mo awe.