Josué 2:19 - Mbeti ti Nzapa - Tënë so amu fini

¹⁹ Tongana mbeni zo alondo na ya ti da ti mo asigigi, fade tënë ti kuâ ti lo ayeke na li ti lo wani; tënë ni ayeke na li ti e pepe. Me tongana maboko ti mbeni zo ti e andu mbeni zo so mo na lo ayeke na ya ti da ti mo, tënë ti kuâ ti zo ni so ayeke na li ti e.

Josué 2:19 ပူးပေါင်းရင်းမြစ်များ

2 Samuel 1:16

David atene na zo ti mara ti Amalek ni, atene: “Mene ti mo ayeke kiri na li ti mo wani! Tënë ti yanga ti mo wani laa afâ mo, ngbanga ti so mo tene: ‘Mbi laa mbi fâ gbia so KOTA GBIA atuku mafuta na li ti lo.’ ”

2 Samuel 4:11

So fadeso asioni zo afâ mbeni zo ti mbirimbiri na ya ti da ti lo, na ndö ti gbogbo ti lo senge senge so, fade mbi yeke hunda mene ti lo na maboko ti ala pepe? Mbi yeke mingo ala na ndö ti sese ti ala pepe?”

1 Agbia 2:32

Biani, Abner, molenge ti Ner, makonzi ti aturugu ti Israel, na Amasa, molenge ti Yeter, makonzi ti aturugu ti Juda ayeke azo ti mbirimbiri si ala yeke nzoni ahon Yoab. Me Yoab afâ ala; babâ ti mbi ahinga tënë ni oko pepe. Fade KOTA GBIA ayeke sara titene ngbanga ti mene ti Yoab ati na li ti lo wani!

Sigingo 12:13

Me ti ada so ala yeke lango daa, mene ayeke duti tongana mbeni nzoroko ndali ti ala. Fade mbi yeke baa ni si mbi yeke hon hongo na ndö ti ada ni, mbi yeke luti pepe. Tongaso kpale so ayeke buba ndo ayeke wara ala pepe, na ndembe so mbi yeke fâ azo ti Ezipte.

Sigingo 12:22

Fade ala yeke mu maboko ti *izope, ala yoro na ya ti mene so ayeke na ya ti kota sembe, ala kpaka na tere ti akadere ti yanga ti da ni nga na tere ti kadere ti nduzu. Na pekoni, alingbi zo oko na popo ti ala alondo na ya ti da ti lo asigigi pepe ngbii ndo ahan si.

Sigingo 12:23

Fade KOTA GBIA ayeke hon na ya ti Ezipte kue ti sara ye ti ngangu na kodro ni. Me tongana lo yeke baa mene so ayeke na tere ti akadere ti yanga ti da nga na tere ti kadere ti nduzu, fade lo yeke hon hongo, lo yeke zia lege pepe na kpale ti bubango ndo ti li na ya ti da ti ala ti fâ ala.

Awayango-sandaga 20:11

“Tongana mbeni koli alango na wali ti babâ ti lo, andaa lo zia kamene na le ti babâ ti lo awe. Fade a yeke fâ ala use kue, koli ni na wali ni; ngbanga ti mene ti ala ayeke kiri na li ti ala wani.

Awayango-sandaga 20:9

“Tongana mbeni zo adeba babâ ti lo wala mama ti lo, alingbi a fâ lo. Ngbanga ti mene ti lo akiri na li ti lo wani, ngbanga ti so lo deba babâ ti lo na mama ti lo.

Matthieu 24:17

zo so ayeke duti na li ti da ti lo, alingbi lo zu na sese pepe ti mu ye so ayeke na ya ti da ni;

Awatokua 18:6

Me so ala ke tënë ni si ala zonga lo, lo pika sese ti tere ti bongo ti lo na ala si lo tene: “Ayeke nzoni mene ti ala angba na li ti ala wani; ngbanga ti mbi ayeke daa pepe. Fadeso, mbi yeke gue na mbage ti azo ti amara nde.”

Awatokua 20:26

Ndani laa, laso mbi tene na ala mbirimbiri, mbi tene: tongana mbeni zo oko na popo ti ala agirisa lege, ngbanga ti mene ti lo ayeke na li ti mbi pepe.

Awatokua 27:31

Me Paul atene na kapita ti aturugu nga na aturugu, atene: “Tongana azo so angba na ya ti mangboko ni pepe, fade ala, aturugu, ala lingbi ti soo kuâ pepe.”

Filipe 3:9

si mbi na lo, e ga oko. Batango ndia ti ga mbirimbiri, so laa amu lege na mbi ti ga oko na Christ pepe, me mbi ga oko na Christ na lege ti mabe. Nzapa laa ayeke mu na zo lege ti gango mbirimbiri tongana zo ni ama na be.

Ahebro 10:29

Ti zo so abaa Molenge ti Nzapa buba na le ti lo, fade pasi ti zo ni ayeke hon ndoni. Andaa lo baa mene ti *mbuki so asukula asioni ti lo tongana senge ye na le ti lo si lo kiri lo tene sioni tënë na tere ti Yingo so ayeke sara nzoni be na zo.

Josué 2:12

Fadeso, ala deba yanga ti ala na mbi na iri ti KOTA GBIA ti sara nzoni na mbi na asewa ti mbi, tongana ti so mbi sara nzoni na ala so. Ala sara mbeni ye ti fa na mbi biani

Josué 2:14

Azo ti bembengo ndo ni akiri tënë na lo: “E deba tere ti e na mo na le ti Nzapa: tongana mo sigigi na nda ti gango ti e na mbeni zo pepe, fade e yeke sara nzoni be na mo si e yeke sara ye na mo na legeni na ndembe so KOTA GBIA ayeke mu kodro ni na e.”

Josué 2:20

Me tongana mo sigigi na nda ti gango ti e ni na mbeni zo, andaa tënë ti dengo ba so mo hunda e si e de so, ayeke na li ti e mbeni pepe.”