Josué 2:16 - Mbeti ti Nzapa - Tënë so amu fini

¹⁶ Lo tene na ala: “Ala gue, ahonde tere ti ala na ndö ti ahoto titene azo so ayeke tumba peko ti ala so awara ala pepe. Ala ngba kâ na ya ti lango ota, ngbii azo ni akiri si. Na pekoni, fade ala mu lege ahon.”

Josué 2:16 ပူးပေါင်းရင်းမြစ်များ

Abia (Psaumes) 11:1

Bia ti David; bia so ayeke ndali ti makonzi-bia. *KOTA GBIA ayeke ndo so mbi kpe daa ti bata tere ti mbi. Ngbanga ti nyen si ala tene na mbi, atene: “Kpe mo gue na ndö ti ahoto tongana ndeke!”?

Jacques 2:25

Tënë so ayeke nga tongana ti Rahab, wali-ndumba so. Lo ga ando mbirimbiri na le ti Nzapa na lege ti kua so lo sara: azuife so a tokua ala, ague, asi na ndo ti lo si lo yamba ala. Na pekoni, lo mu maboko na ala ti mu mbeni lege nde ti hon.

Josué 2:15

Rahab asara da ti lo ali ya ti ngangu gbagba ti gbata ni. Tongaso lo mu kamba, lo zu ala na ni na gbeni na le ti fenetere ti da ni na peko ti gbagba ni.

Josué 2:22

Azo ti bembengo ndo ni amu lege si ala gue na ndö ti ahoto. Ala ngba kâ lango ota ti ku titene azo ti tumbango peko ti ala akiri si. Andaa azo ti tumbango peko ti ala ni agi ala na tere ti lege kue gbaa, ala wara ala pepe.

1 Samuel 23:14

David angba na benyama ti Zif. Lo lango na ya ti du ti têne, na ndö ti ahoto, na ya ti benyama. Saul angba lakue ti gi lo, me Nzapa azia lo na maboko ti Saul pepe.