Josué 2:14 - Mbeti ti Nzapa - Tënë so amu fini

¹⁴ Azo ti bembengo ndo ni akiri tënë na lo: “E deba tere ti e na mo na le ti Nzapa: tongana mo sigigi na nda ti gango ti e na mbeni zo pepe, fade e yeke sara nzoni be na mo si e yeke sara ye na mo na legeni na ndembe so KOTA GBIA ayeke mu kodro ni na e.”

Josué 2:14 ပူးပေါင်းရင်းမြစ်များ

Tongo nda ti aye 24:49

Fadeso, tongana ala ye ti sara nzoni, wala ti bata tënë ti songo ndali ti wa ti mbi, ayeke nzoni ala tene na mbi. Tongana ala ke, fade mbi yeke hon na mbeni ndo nde.”

Tongo nda ti aye 47:29

So lo ga nduru ti kui awe, lo iri molenge ti lo Joseph si lo tene na lo: “Tongana mo baa mbi na nzoni le, mo zia maboko ti mo na gbe ti ngbonda ti mbi. Sara nzoni be na mbi, mo fa na mbi biani so mo yeke lu kuâ ti mbi na Ezipte ge pepe.

2 Samuel 2:5

David atokua na azo ti Yabesh so ayeke na sese ti Galaad atene: “Ayeke nzoni KOTA GBIA asara tufa na ndö ti ala, ngbanga ti so ala bata be ti ala na gbia ti ala Saul si ala lu kuâ ti lo so.

2 Samuel 2:6

Fadeso, ayeke nzoni KOTA GBIA abata tënë ti yanga ti lo nga na ye so ayeke mbirimbiri na ala. Mbi nga, fade mbi yeke sara nzoni ye na ala ndali ti nzoni ye so ala sara so.

2 Samuel 9:1

Mbeni lâ, David ahunda ndo, atene: “Mbeni zo ti sewa ti Saul angba na fini pepe? Mbi ye ti sara nzoni be na lo ndali ti Jonatan.”

1 Agbia 20:39

So Akab aga ti hon, wayanga-Nzapa ni adekongo na lo, atene: “Gbia! Mbi zo ti kua ti mo, mbi yeke taa na ya ti bira. So bira ni angba ti kporo, mbeni zo so asigigi na ya ti bira ni aga azia na maboko ti mbi mbeni zo ti kanga; zo ni atene: ‘Mo bata na mbi koli so nzoni! Tongana lo kpe, fade mo laa, mo yeke wara kuâ na peko ti lo, wala mo yeke futa ale ti nginza saki ota.’

Amato 14:22

Zo so aleke na be ti lo ti sara sioni ye, lo girisa lege biani. Me zo so aleke na be ti lo ti sara nzoni ye, azo ayeke sara nzoni be na lo si ala yeke zia be ti ala na ndö ti lo.

Amato 18:24

Zo so ayeke na gba ti akamarade, ye so alingbi ti ga kota kungba na ndö ti lo; me taa kamarade ayeke sara na mo ahon ita ti mo.

Matthieu 5:7

Ti ala nzoni, ala so ayeke baa mawa ti amba ti ala, ngbanga ti so Nzapa ayeke baa ande mawa ti ala!

Awatokua 23:22

Kota komanda ti aturugu ni atene: “Tënë so mo tene na mbi so, mo tene tënë ni na mbeni zo pepe.” Na pekoni, lo zia molenge-koli ni ague.

Josué 2:13

so fade ala yeke zia babâ ti mbi, mama ti mbi, a-ita ti mbi ti koli na ti wali nga na aye ti ala kue ti ngba na fini. Ala fa na e so fade ala yeke zi e na ya ti kuâ.”

Josué 2:15

Rahab asara da ti lo ali ya ti ngangu gbagba ti gbata ni. Tongaso lo mu kamba, lo zu ala na ni na gbeni na le ti fenetere ti da ni na peko ti gbagba ni.

Josué 6:17

Gbata ni na aye so kue ayeke na ya ni, fade a yeke zia ni titene a buba ni, ngbanga ti so gbata ni ayeke ti KOTA GBIA. Gi Rahab, wali-ndumba so, lo na azo so kue ayeke na lo na ya ti da ti lo laa ayeke ngba na fini, ngbanga ti so lo honde azo ti *bembengo ndo so lani e tokua ala so.

Josué 6:22

Josué atene na azo use so ague lani *abembe ndo na ya ti gbata ni, atene: “Ala li na ya ti da ti Rahab, wali-ndumba so, ala sigigi na lo nga na asewa ti lo kue tongana ti so ala deba yanga ti ala lani na lo so.”

Josué 6:25

Josué azia Rahab, wali-ndumba ni angba na fini, lo na asewa ti lo na aye ti lo kue, ngbanga ti so lo honde azo so Josué atokua ala lani ti bembe ndo na gbata ti Jéricho so. Rahab alango ando na popo ti azo ti Israel si *ahale ti lo angba ti lango na popo ti ala ngbii asi laso.

1 Samuel 20:8

Sara nzoni be na mbi, ngbanga ti so mbi na mo, e ga *ambuki na le ti KOTA GBIA awe. Tongana mbi sara mbeni sioni ye, ayeke nzoni mo wani, mo fâ mbi ahon titene mo zia mbi na maboko ti babâ ti mo.”