Josué 2:10 - Mbeti ti Nzapa - Tënë so amu fini

¹⁰ Biani, e ma a tene, *KOTA GBIA asara si kota ngu-ingo ti Asosongo ahole na dawa ti ala na ndembe so ala londo na Ezipte ti sigigi. E ma nga tënë ti agbia use ti mara ti Amori, Sihon na Og, so ala fâ ala na mbage ti ngu ti Jourdain. Ala azo ti Israel, ala fâ azo ni si ala buba aye ti azo ni so kue.

Josué 2:10 ပူးပေါင်းရင်းမြစ်များ

Abia (Psaumes) 74:15

Mo laa mo suru lege na ali ti ngu nga na akete ngu so ayeke sua, *abale so ngu ti ya ni ayeke hole ka pepe, mo sara si ahole.

Wungo ti azo 20:14

Moïse atokua azo na ndo ti gbia ti Edom atene: “Mo ma tënë so a-ita ti mo, azo ti Israel atene: Aye ti ngangu nde nde asi na e, mo hinga tënë ni kue awe.

Wungo ti azo 23:22

Nzapa asara si ala sigigi na kodro ti Ezipte; lo yeke na kota ngangu tongana ti ngbä.

Wungo ti azo 24:8

Nzapa asara si azo ti Israel asigigi na Ezipte; lo yeke na kota ngangu tongana ti ngbä. Ala yeke sara sana na amara so asara bira na ala, ala yeke kungbi abio ti awato ti ala, ala yeke koro awato ni na ale ti kokora.

Ndia ti fani use ni 2:30

Me Sihon, gbia ti Heshebon, ake titene e hon na ndo ti lo. Andaa KOTA GBIA Nzapa ti ala, azo ti Israel asara lani si li ti lo akpengba si be ti lo akpengba, tongaso si lo lingbi ti zia lo na maboko ti ala; nilaa ye ni asi lani tongaso.

Josué 24:12

Mbi tokua adidiri kozo ti ala si adidiri ni atumba agbia use ti Amori yongoro na tere ti ala, azo ti Israel. Ayongoro zeme ti ala wala akokora ti ala laa atumba agbia ni pepe.

Josué 4:24

Lo sara tongaso titene azo ti ndö ti sese kue ahinga atene, maboko ti KOTA GBIA ayeke ngangu; tongaso si ala, azo ti Israel, ala kpe mbeto ti KOTA GBIA, Nzapa ti ala lakue.’ ”

Josué 5:1

Agbia kue ti azo ti mara ti Amori so ayeke na mbage ti ngu ti Jourdain, na Do, na agbia kue ti azo ti Kanaan so ayeke na tere ti kota ngu-ingo ti Mediterane ama a tene, *KOTA GBIA asara si ngu ti Jourdain ahole na dawa ti azo ti Israel ngbii ala kue afâ ngu ni. So agbia ni ama tënë so, be ti ala afun kue, ala yeke na ngangu ti gbu le ni na azo ti Israel pepe.

Josué 9:10

na ye so lo sara na agbia use ti azo ti mara ti Amori so ayeke na mbage ti ngu ti Jourdain. Agbia ni ayeke Sihon, gbia ti Heshebon, na Og, gbia ti Bashan so ayeke lango na Ashetarot.