Josué 19:51 - Mbeti ti Nzapa - Tënë so amu fini

⁵¹ Wayango-sandaga Elazar, na Josué, molenge ti Nune, na amakonzi ti asewa ti azo ti mara ti Israel akangbi asese nde nde so na amara ni na lege ti mbeni ye so ala bi. Ala sara ye ni so na Silo, na dawa ti KOTA GBIA, na yanga ti da ti bongo so Nzapa na azo ti lo ayeke wara tere daa. Lege so ala hunzi kangbingo asese ni laa.

Josué 19:51 ပူးပေါင်းရင်းမြစ်များ

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

Abia (Psaumes) 78:60

Lo zia da ti lo so ayeke na kodro ti Silo, da ti lo ti bongo so lo sara na popo ti azo.

Matthieu 20:23

Jésus atene na ala: “Biani, fade ala yeke nyon kopo ti mbi ni; me tënë ti dutingo na mbage ti maboko ti mbi ti koli na ti wali, mbi laa mbi yeke mu ni na azo pepe. Ndo ni ayeke ti azo so Babâ ti mbi aleke ni ndali ti ala.”

Matthieu 25:34

Tongaso, fade Gbia ni ayeke tene na azo so ayeke na mbage ti maboko ti lo ti koli: ‘Ala ga, ala so Babâ ti mbi asara tufa na ndö ti ala; ala ga awa ti *Kodro-gbia ti yayu so lo leke ni ndali ti ala ando, ngbene ye so dunia abaa gigi.

Jean 17:2

Mo mu na lo ngangu ti sara komandema na ndö ti azo kue. Tongaso si lo mu fini so angba lakue lakue na azo so kue mo mu ala na lo.

Awatokua 13:19

Na pekoni, lo fâ azo ti ambeni mara mbarambara so kue ayeke na sese ti Kanaan si lo mu sese ti ala ni ti ga ye ti azo ti lo.

Josué 14:1

Baa asese so a kangbi na azo ti Israel titene aga ti ala na sese ti Kanaan laa. Wayango-sandaga Elazar, na Josué, molenge ti Nune na amakonzi ti asewa ti amara ti Israel laa akangbi ni na ala.

Josué 18:1

Na peko ti so azo ti Israel amu sese ni awe, ala kue abongbi tere ti ala na Silo. Kâ, ala kpo na nduzu da ti bongo so Nzapa na azo ti lo ayeke wara tere daa.

Josué 18:10

Na Silo, Josué abi mbeni ye na dawa ti KOTA GBIA ti baa lege so lo yeke kangbi sese ni na azo ti Israel. Lo kangbi sese ni na ala alingbi na amara ti ala oko oko kue.

Josué 20:1

*KOTA GBIA atene na Josué:

Awafango-ngbanga 21:19

Tongaso ala tene: “Na ngu oko oko, a yeke sara matanga ti KOTA GBIA na kodro ti Silo so ayeke na Banga ti Betel, na To ti lege so alondo na Betel ti gue na Sishem, nga na Mbongo ti Lebona.”

Awafango-ngbanga 21:21

Ala duti kâ ti baa ndo. Tongana ala baa amolenge-wali ti kodro ti Silo so ayeke sigigi ti dodo na ndembe ti matanga ni, fade ala sigigi na ndo so ala honde tere ti ala daa so. Zo oko oko ayeke gbu molenge-wali ti Silo oko ague na lo na sese ti Benjamin si lo ga wali ti lo.

1 Samuel 1:3

Na ya ti ngu oko oko, Elkana ayeke londo na kodro ti lo ti gue na gbata ti Silo ti voro *KOTA GBIA so ayeke na ndö ti dunia kue, ti mu nga *sandaga na lo. Kâ, ambeni wayango-sandaga ti KOTA GBIA ayeke daa. Iri ti mbeni Hofni si iri ti mbeni Pinas; ala yeke amolenge ti Heli.