Josué 19:26 - Mbeti ti Nzapa - Tënë so amu fini

²⁶ Alamelek, Amad na Mishal. Na mbage ti Do, katikati ni ahon na tere ti hoto ti Karmel si amu tere ti ngu ti Shihor-Libnat ti gue na ni.

Josué 19:26 ပူးပေါင်းရင်းမြစ်များ

1 Agbia 18:19

Fadeso, mo tokua titene azo ti Israel kue abongbi na tere ti mbi na ndö ti hoto ti Karmel. Mo tokua nga titene awayanga ti nzapa Baal so wungo ti ala ayeke ngbangbo osio na baleoku aga; awayanga ti nzapa-wali *Ashera so wungo ti ala ayeke ngbangbo osio aga, ala so ayeke te kobe lani na ndö ti meza ti Yezabel, wali ti gbia so.”

1 Agbia 18:20

Akab atokua ti iri azo ti Israel kue si lo bongbi awayanga-Nzapa na ndö ti hoto ti Karmel.

1 Agbia 18:42

Akab ague ti te, ti nyon. Ti Élie, lo gue na li ti hoto ti Karmel. Kâ, lo kuku, lo kpo li ti lo na sese, li ti lo na popo ti alikunu ti lo.

2 Agbia 2:25

Élisée alondo na ndo so, lo gue na li ti hoto ti Karmel; na pekoni lo londo na hoto ti Karmel, lo kiri na Samarii.

B. ti abia 7:5

Go ti mo ayeke tongana da so a leke ni pendere mingi na pembe ti doli. Le ti mo aza tongana le ti ngu ti Heshebon so ayeke na yanga ti kota gbata ni. Hon ti mo apendere tongana da ti Liban so ayeke bata ndo si abaa ndo le na le na Damas.

Ésaïe 33:9

Sese ni ayeke na mua, ayeke hole holengo. Agbako ti Liban ahole kue si kamene ahon ndö ti ala. Lando ti Saron ahole kasakasa. Ahoto ti Bashan na ti Karmel, akeke ayeke daa mbeni pepe.

Ésaïe 35:2

Ayeke nzoni akongo ni amu ndö ti sese ni. Ayeke nzoni sese ni ahuru na ngia, lo dodo na ngia si lo dekongo na ngia! *KOTA GBIA amu na lo pendere ti hoto ti Liban awe, zango ti hoto ti Karmel na ti lando ti Saron. Tongaso, azo ayeke baa gonda ti KOTA GBIA, ala yeke baa nga zango ti Nzapa ti e.

Ésaïe 37:24

Na lege ti azo ti kua ti mo, mo zonga mbi, Kota Gbia. Mo tene: ‘Mbi Senakerib, na gba ti apusu ti mbarata ti mbi, mbi gue na li ti akota hoto, mbi gue ngbii mbi si taa na ya ti gbako ti Liban. Mbi de ayongoro keke ti sedre ti gbako ni; mbi de apendere keke ti sipre ti gbako ni. Mbi si taa na li ti ahoto ni kâ; na ndo so akeke asi singo daa.

Jérémie 46:18

Fini ti mbi! So tënë ti yanga ti Gbia, lo so iri ti lo ayeke ‘KOTA GBIA so ayeke na ndö ti dunia kue’: fade wato ayeke ga; lo yeke ga biani tongana ti so Tabor aluti nganganga na popo ti ahoto, tongana ti so Karmel ayeke na ndö ti kota ngu-ingo!

Josué 15:55

Ambeni gbata ni ayeke Maon, Karmel, Zif, Yuta,

Josué 19:25

Na sese ti ala, mo yeke wara agbata tongana: Helkat, Hali, Beten, Akeshaf,

Josué 19:27

Na mbage ti To, katikati ni ahon na Bet-Dagon, na mbage ti nduzu si ahon na tere ti sese ti Zabulon nga na popo-hoto ti Ifta-El. Na pekoni, akiri ahon na mbage ti Banga ti si na Bet-Emek nga na Neiel. Katikati ni akiri ahon kâ ti gue na Kabul,

Josué 21:30

Na sese ti azo ti mara ti Aser, a mu na ala agbata osio na ando ti tengo pere ndali ti anyama ti ala. Agbata ni ayeke so: Mishal, Abdon,

1 Samuel 15:12

Na kota ndaperere, Samuel alondo ti gue ti wara Saul. Mbeni zo atene na Samuel: “Saul ague na Karmel, lo mu atêne, lo leke aluti na nduzu ndali ti lo wani. Na pekoni, lo kiri, lo hon yongoro si lo gue na Gilgal.”