Josué 18:28 - Mbeti ti Nzapa - Tënë so amu fini

²⁸ Sela, Elef, gbata ti azo ti Yebus, so ti tene Jérusalem, Gibea na Kiriat-Yearim, so ti tene agbata baleoko na osio na akete kodro so ayeke na tere ni. So ayeke sese so aga ye ti azo ti Benjamin alingbi na akete mara ti ala laa.

Josué 18:28 ပူးပေါင်းရင်းမြစ်များ

2 Samuel 21:14

A lu abio ti ala, ti Saul na ti Jonatan na du ti kuâ ti Kish, babâ ti Saul na kodro ti Sela, na sese ti Benjamin. Na peko ti so azo asara ye so kue gbia amu yanga daa, Nzapa abaa mawa ti kodro ni.

2 Samuel 23:29

Heleb, molenge ti Baana, zo ti kodro ti Netofa; Itai, molenge ti Ribai, zo ti Gibea, na sese ti Benjamin;

2 Samuel 5:6

Gbia David na azo ti lo ague na Jérusalem ti tiri bira na azo ti Yebus so alango lani na sese ni. Ala tene na David: “Mo yeke li na ya ti gbata ti e pepe! Ataa awaziba, ataa azo ti bubango gere, ala yeke kanga lege na mo!” Tënë ni so aye ti tene: fade David ayeke mu gbata ni pepe.

2 Samuel 5:8

Na lango ni so, David atene: “Zo so ayeke fâ mbeni zo ti Yebus, zo so ayeke mu lege ti ngu so ayeke na gbe ti sese ti wara ala, azo ti bubango gere so nga na awaziba so be ti David ake ala…” Ndani laa azo atene: “Fade waziba na zo ti bubango gere ayeke li pepe na ya ti kota da ti Nzapa.”

1 Mbai 8:28

Azo so kue ayeke amakonzi ti asewa na lege ti molongo ti dungo ala. Ala yeke lango na Jérusalem.

Ésaïe 10:29

Ala hon na lege so ange ngengo si ala tene: “Na bi so, e yeke lango na Geba.” Na Rama, azo ayeke do na mbeto. Na Gibea, gbata ti Saul, azo ayeke kpe.

Jérémie 6:1

Ala, azo ti Benjamin, ala sigigi na ya ti Jérusalem. Ala kpe agi ndo ti honde tere ti ala daa. Kâ na Tekoa, ala huru didi; kâ na Bet-Kerem, ala yo na nduzu mbeni bendere ti fa atene, mbeni ye ti sioni na kota kpale ti bubango ndo alondo na Banga ti ga.

Osée 10:9

Ti londo na sioni ye so mo sara na Gibea ngbii asi fadeso, mo Israel, mo sara siokpari awe; ni laa mo ngba gi ngbango daa so! Ayeke na legeni titene bira alondo na tere ti azo ti sioni so gi na Gibea pepe?

Wungo ti azo 26:38

Amolenge ti Benjamin na lege ti akete mara ti ala ayeke so: Bela, kotara ti azo ti kete mara ti Bela; Ashebel, kotara ti azo ti kete mara ti Ashebel; Ahiram, kotara ti azo ti kete mara ti Ahiram;

Wungo ti azo 26:54

Mara so azo ni awu mingi, mo yeke mu sese ni akono; mara so azo ni awu mingi pepe, mo yeke mu sese ni kete. Mara oko oko ayeke wara sese titene aga ti lo alingbi na wungo ti azo ti lo.

Wungo ti azo 33:54

Ala yeke bi mbeni ye ti baa lege so ala yeke kangbi sese ni na amara ti ala oko oko nga na akete mara ti ala oko oko. Kete mara so azo ni ayeke mingi, fade a yeke mu na ala sese so akono; kete mara so azo ni ayeke mingi pepe, a yeke mu na ala sese so ayeke kete. Mara oko oko ayeke wara sese alingbi gi na ye so a bi si afa.

Josué 15:63

Azo ti mara ti Juda awara lege pepe ti tumba azo ti mara ti Yebus so ayeke lango na Jérusalem. Azo ti mara ti Yebus na azo ti Juda angba ti lango na Jérusalem ngbii asi laso.

Josué 15:8

Katikati ni akiri ahon na popo-hoto ti Hinom, na tere ti hoto ti mbage ti Mbongo ti azo ti mara ti Yebus, so ti tene Jérusalem. Na pekoni, katikati ni ague ngbii asi na li ti hoto so ayeke na Do ti popo-hoto ti Hinom, akiri ague ngbii asi na popo-hoto ti azo ti mara ti Refa, na mbage ti Banga.

Josué 18:16

Katikati ni alondo na ndo so, azu na tere ti hoto so ayeke baa le na popo-hoto ti Hinom, na Banga ti popo-hoto ti azo ti mara ti Refa. Katikati ni ahon na popo-hoto ti Hinom ni, na tere ti hoto ti azo ti mara ti Yebus si azu ague ngbii asi na En-Rogel.

Josué 18:27

Rekem, Irpeel, Tarala,

Josué 19:1

Ti use ni, a bi ye ni si afa sese so alingbi ti mu na azo ti mara ti Siméon alingbi na akete mara ti ala. Sese so a mu na ala titene aga ti ala, sese ti azo ti mara ti Juda angoro ni kue.

Awafango-ngbanga 1:21

Ahale ti Benjamin atumba azo ti mara ti Yebus pepe, ala yeke lango na Jérusalem. Tongaso, mara ti Yebus ni na azo ti Benjamin angba ti lango ndo oko na Jérusalem ngbii asi laso.

Awafango-ngbanga 19:10

Ti so ni, koli ni ake; lo londo lo gue, lo na wali ti lo, na alele ti lo use so a zia aye ti dutingo na ndö ti ala. Ala gue ngbii, ala si nduru na gbata ti Yebus, so ti tene Jérusalem.

1 Samuel 10:26

Saul nga akiri na ndo ti lo na gbata ti Gibea. Ambeni ngangu turugu so Nzapa andu be ti ala amu peko ti lo.