Josué 18:24 - Mbeti ti Nzapa - Tënë so amu fini

²⁴ Kefar-Amona, Ofni na Geba, so ti tene agbata baleoko na use na akete kodro so ayeke na tere ni.

Josué 18:24 ပူးပေါင်းရင်းမြစ်များ

2 Samuel 5:25

David asara ye gi na peko ti yanga ti KOTA GBIA. Nilaa azo ti Israel afâ aturugu ti Filistii, ti londo na gbata ti Geba ngbii asi na gbata ti Gezer.

1 Agbia 15:22

Tongaso gbia Asa airi azo ti sese ti Juda kue, lo zia zo oko pepe. Ala ga si ala ro atêne na akeke so Basha ayeke sara na ngangu gbagba na tere ti gbata ti Rama so, ala gue na ni. Asa amu atêne na akeke ni si lo sara na ngangu gbagba na tere ti gbata ti Geba, ti Benjamin na ti Mispa.

2 Agbia 23:8

Yosias airi awayango-sandaga ti agbata ti Juda kue ti ga na Jérusalem. Ti londo na Geba ngbii asi na Bersheba, lo sara si ando so azo aleke na ndö ti ahoto ti voro anzapa nde daa so aga *sioni; ndo so awayango-sandaga azö dukani daa. Na Jérusalem, Yosias akungbi na sese agbalaka so ayeke nduru na ayanga ti gbata ni, mbirimbiri gbalaka so ayeke na tere ti yanga ti gbata so ayeke ti Yoshua, govoronere ti gbata ni. Tongana zo ayeke li na ya ti gbata ni, gbalaka ni ayeke na mbage ti maboko ti wali.

Esdras 2:26

akoli ti akodro ti Rama na ti Geba ayeke 621;

Néhémie 7:30

akoli ti akete kodro ti Rama na ti Geba ayeke 621;

Ésaïe 10:29

Ala hon na lege so ange ngengo si ala tene: “Na bi so, e yeke lango na Geba.” Na Rama, azo ayeke do na mbeto. Na Gibea, gbata ti Saul, azo ayeke kpe.

Josué 18:23

Avim, Para, Ofra,

Josué 18:25

Ambeni gbata ni ayeke so: Gabaon, Rama, Beerot,

Josué 21:17

Na sese ti azo ti mara ti Benjamin, a mu na ala Gabaon, Geba,

1 Samuel 13:3

Mbeni lâ, Jonatan afâ govoronere ti azo ti Filistii so ayeke na kodro ti Geba si azo ti Filistii ama tënë ni. Saul amu yanga titene a huru didi na ya ti kodro kue, atene: “Alingbi ahebro ama tënë so!”