Josué 18:19 - Mbeti ti Nzapa - Tënë so amu fini

¹⁹ Katikati ni akiri ahon na mbage ti Banga ti Bet-Hogla si asi na yanga ti kota ngu ti Gba-ti-ingo, na ndo so ngu ti Jourdain ayeke tuku na ya ti kota ngu ti Gba-ti-ingo ni. So katikati ni na mbage ti Mbongo laa.

Josué 18:19 ပူးပေါင်းရင်းမြစ်များ

Tongo nda ti aye 14:3

Ala kue abongbi na popo-hoto ti Sidim, so kota ngu ti Gba-ti-ingo ayeke daa laso so.

Tongo nda ti aye 19:25

Lo sara si aye ti agbata ni aga kirikiri: lando ni kue, azo ti agbata ni kue, akeke na apere ni kue.

Ésaïe 11:15

KOTA GBIA ayeke sara si kota ngu-ingo ti Ezipte ahole. Lo yeke yoro maboko ti lo na ndö ti *bale ti Efrate; lo yeke wu kota pupu si ya ti bale ni akangbi maboko ni mbarambara, zo alingbi ti hon daa na gere senge.

Wungo ti azo 34:3

“Na mbage ti Mbongo, katikati ti sese ti ala ayeke londo na benyama ti Zin, ayeke hon na tere ti sese ti Edom. Na mbage ti To, katikati ni ayeke gue, asi na yanga ti kota ngu ti Gba-ti-ingo.

Ndia ti fani use ni 3:17

Katikati ti sese ni na mbage ti Do amu tere ti popo-hoto ti Jourdain ti gue na ni, ti londo na kota ngu ti Genezaret ngbii asi na kota ngu ti Gba-ti-ingo, ague ngbii asi na gbe ti hoto ti Pisga, na mbage ti To.

Josué 12:3

Sihon ayeke le-gbia nga na ndö ti sese so ayeke na To ti popo-hoto ti Jourdain, sese so ayeke na tere ti kota ngu ti Genezaret, na mbage ti Banga, ague ngbii asi na kota ngu ti Gba-ti-ingo, nduru na Bet-Yeshimot si na mbage ti Mbongo, sese so ayeke na gbe ti hoto ti Pisga.

Josué 15:2

Katikati ti sese ti ala na mbage ti Mbongo, alondo na yanga ti kota ngu ti Gba-ti-ingo, so ayeke baa le na sese ti mbage ti Mbongo.

Josué 18:18

Na pekoni, katikati ni ahon na Banga ti hoto so abaa le na popo-hoto ti Jourdain si azu ti gue na mbage ti popo-hoto ni.

Josué 18:20

Ngu ti Jourdain laa ayeke katikati ti sese ni na mbage ti To. Akatikati ti sese so a mu na azo ti mara ti Benjamin titene aga ti ala alingbi na akete mara ti ala laa.

Josué 3:16

ngu so alondo na mbage ti nduzu ti sua na gbeni akai ti sua, mo baa mo tene, a kanga ni kangango. Ngu ni aluti yongoro kâ na gbata ti Adam so ayeke nduru na gbata ti Sartan. Ngu so ayeke sua ti gue na gbeni na ya ti kota ngu ti Gba-ti-ingo ahon biani biani. Azo ni afâ ngu ti Jourdain na ndo so abaa le na gbata ti Jéricho.