Josué 18:12 - Mbeti ti Nzapa - Tënë so amu fini

¹² Na mbage ti Banga, katikati ti sese ti ala alondo na ngu ti Jourdain, ague na mbage ti nduzu, na Banga ti Jéricho, akiri ahon na sese so ahoto ayeke daa na mbage ti Do si ague, asi na benyama, na Bet-Aven.

Josué 18:12 ပူးပေါင်းရင်းမြစ်များ

Osée 10:5

Azo so alango na Samarii, fade ala yeke sara mbeto titene kete bagara so a sara na lôro si ayeke na kodro ti Bet-Aven so, azo amu ni ahon na ni. Awayango-sandaga ti mvene ayeke sara mua ndali ti bagara ni. Ayeke nzoni ala sara ngia fadeso ma, ngbanga ti so a zi gonda ti lo na popo ti ala, a hon na ni yongoro awe.

Osée 4:15

“Tongana mo Israel, mo sara ye ti ndumba, ayeke nzoni Juda asara gi mara ti sioni ye so pepe. Ala gue na Gilgal pepe, ala gue na Bet-Aven pepe si ala deba yanga ti ala pepe, atene: ‘KOTA GBIA ayeke na fini!’ ”

Osée 5:8

Kota Gbia atene: “Ala huru didi na Gibea, ala huru tatalita na Rama, ala dekongo na azo ti Bet-Aven ti fa na ala tënë ti bira. Ala azo ti mara ti Benjamin, azo ayeke ga na peko ti ala ti tiri bira na ala.

Josué 16:1

A bi mbeni ye si afa sese so a mu na amolenge ti Joseph. Katikati ti sese ni na mbage ti Mbongo alondo na ngu ti Jourdain, nduru na Jéricho, na To ti ngu so ayeke hon na ya ti gbata ni. Katikati ti sese ni akiri alondo na Jéricho, ahon na ya ti benyama si ague na mbage ti nduzu, na sese ti ahoto ti Betel.

Josué 18:11

Kozo sese so a bi mbeni ye si afa ni, a mu na azo ti mara ti Benjamin alingbi na akete mara ti ala. Sese so a mu na ala ayeke na popo ti sese ti azo ti mara ti Juda na ti azo ti mara ti Joseph.

Josué 2:1

So ala yeke na Shitim, Josué, molenge ti Nune, atokua azo use na hondengo ni; lo tene na ala, lo tene: “Ala gue, *abembe ndo na sese ni nga na gbata ti Jéricho.” Azo ni ague, ali na ya ti da ti mbeni wali-ndumba so iri ti lo Rahab si ala lango kâ.

Josué 3:16

ngu so alondo na mbage ti nduzu ti sua na gbeni akai ti sua, mo baa mo tene, a kanga ni kangango. Ngu ni aluti yongoro kâ na gbata ti Adam so ayeke nduru na gbata ti Sartan. Ngu so ayeke sua ti gue na gbeni na ya ti kota ngu ti Gba-ti-ingo ahon biani biani. Azo ni afâ ngu ti Jourdain na ndo so abaa le na gbata ti Jéricho.

Josué 6:1

Azo akanga ngangu ayanga ti gbagba ti Jéricho kue ndali ti azo ti Israel. Zo oko alingbi ti li pepe, zo oko alingbi ti sigigi nga pepe.

Josué 7:2

So ala yeke na Jéricho, Josué atokua ambeni koli na gbata ti Ai so ayeke nduru na gbata ti Bet-Aven, na mbage ti To ti Betel. Lo tene na ala: “Ala gue *abembe ndo na gbata ni.” Akoli ni ague, abembe ndo ni.

Josué 8:15

Josué na azo ti Israel kue azia azo ni ahon ndö ti ala na ngangu si ala kpe ti gue na mbage ti benyama.

1 Samuel 13:5

Azo ti Filistii abongbi nga ti tiri bira na azo ti Israel. Ala yeke na apusu ti mbarata saki baleota, azo ti kpengo na ambarata saki omene nga na gba ti aturugu so wungo ti ala ayeke tongana wungo ti mbutu ti yanga ti ngu. Azo ni ague, asara bâbâ ti ala na Mikmas na tere ti Bet-Aven na mbage ti To.