Josué 18:10 - Mbeti ti Nzapa - Tënë so amu fini

¹⁰ Na Silo, Josué abi mbeni ye na dawa ti KOTA GBIA ti baa lege so lo yeke kangbi sese ni na azo ti Israel. Lo kangbi sese ni na ala alingbi na amara ti ala oko oko kue.

Josué 18:10 ပူးပေါင်းရင်းမြစ်များ

1 Mbai 24:5

A bi mbeni ye ti kangbi kua na ala, ngbanga ti so na popo ti ahale ti Elazar na ti Itamar, ambeni ayeke “amakonzi ti ndo so ayeke nde si ayeke nzoni kue” si ambeni ayeke “amakonzi ti Nzapa”.

Néhémie 11:1

Amakonzi ti azo ni aga aduti na Jérusalem. Ti tanga ti azo ni, a bi mbeni ye ti baa zo wa laa na popo ti azo baleoko so alingbi ti duti na Jérusalem, gbata so ayeke nde si ayeke nzoni kue. Atanga ni gumbaya ayeke ngba ti ala na ya ti agbata nde nde ti kodro ni.

Abia (Psaumes) 47:4

Lo yeke zia azo na gbe ti e, lo yeke zia amara nde na gbe ti gere ti e.

Abia (Psaumes) 61:5

Mbi ye ti duti na ya ti da ti mo kpu na kpu, ti honde tere ti mbi na gbe ti *kpangi ti mo.

Amato 18:18

Azo ayeke bi ka *dee ti kai na papa; ala yeke bi nga ni ti fâ ngbanga na popo ti angangu zo.

Jérémie 7:12

“Ala gue na Silo, ala baa; ndo so a zia nde ndali ti mbi ayeke ando kâ, ndo so mbi sara titene iri ti mbi aduti daa laa. Ndali ti sioni sarango ye ti azo ti Israel so ayeke azo ti mbi, mbi buba ndo ni kue awe.

Ezekiel 47:22

Ala yeke bi mbeni ye ti hinga lege so ala yeke kangbi sese ni na popo ti ala. Ala yeke kangbi nga sese ni na awande so ayeke lango na popo ti ala, ala so adu amolenge na sese ni. Fade ala yeke baa awande ni tongana azo ti Israel, tongana amolenge ti kodro. Awande ni na ala, azo ti mara ti Israel, ayeke kangbi sese ni ti ga ye ti ala.

Ezekiel 48:29

So ayeke sese so ala yeke bi mbeni ye ti kangbi ni na popo ti amara ti Israel laa. Fade sese ni ayeke ga ye ti ala. So tënë ti yanga ti Kota Gbia NZAPA laa.”

Mishe 2:5

Ndani laa, na ndembe so azo ti KOTA GBIA ayeke kangbi sese na popo ti ala, mbeni zo oko ti mu mbeni sese ni na ala, azo ti sarango sioni so, ayeke daa pepe.

Wungo ti azo 34:16

*KOTA GBIA atene na Moïse:

Matthieu 27:35

So ala kanga lo na ndö ti keke ti kroa awe, ala bi *dee si ala kangbi ya ti bongo ti lo na popo ti ala.

Jean 17:2

Mo mu na lo ngangu ti sara komandema na ndö ti azo kue. Tongaso si lo mu fini so angba lakue lakue na azo so kue mo mu ala na lo.

Awatokua 13:19

Na pekoni, lo fâ azo ti ambeni mara mbarambara so kue ayeke na sese ti Kanaan si lo mu sese ti ala ni ti ga ye ti azo ti lo.

Awatokua 26:18

Mbi tokua mo ti zi le ti ala, ti mu ala na ya ti vukongo ndo ti sigigi na ala na ya ti lumiere; mo yeke zi ala na gbe ti ngangu ti Satan ti gue na ala na Nzapa. Tongana ala ma na be na mbi, fade a yeke zi siokpari na li ti ala si ala yeke wara ndo na popo ti azo ti Nzapa.’ ”

Kolose 1:12

Na ngia na be, ala mu singila na Nzapa Babâ so asara si ala lingbi ti wara anzoni ye so lo leke ndali ti azo ti lo na ya ti lumiere.

Josué 14:2

A bi mbeni ye ti baa lege so a yeke kangbi sese ni na amara gumbaya na ndambo so ade ti wara sese pepe. Ala sara ni tongana ti so *KOTA GBIA amu yanga na Moïse.

Josué 14:5

Gi tongaso laa azo ti Israel akangbi asese ni tongana ti so KOTA GBIA amu yanga na Moïse.

Josué 18:11

Kozo sese so a bi mbeni ye si afa ni, a mu na azo ti mara ti Benjamin alingbi na akete mara ti ala. Sese so a mu na ala ayeke na popo ti sese ti azo ti mara ti Juda na ti azo ti mara ti Joseph.

Josué 18:6

Tongaso, ala su na mbeti tënë ti asese mbarambara so, ala ga ge afa ni na mbi. Na dawa ti Nzapa, KOTA GBIA ti e, mbi yeke bi mbeni ye ti baa lege so mbi yeke kangbi sese ni na amara ti ala oko oko.

Josué 18:8

Akoli so a soro ala ti gue ti baa sese ni so aleke tere ti gue. Kozo titene ala gue, Josué amu yanga na ala, atene: “Ala gue, atambula na sese ni, ala su na mbeti aye so ala baa kâ. Na pekoni, ala kiri na tere ti mbi. Ge na Silo, mbi yeke bi mbeni ye na dawa ti KOTA GBIA ti baa lege so mbi yeke kangbi sese ni na amara oko oko.”

Josué 18:9

Akoli so ague, ahon na ya ti sese ni kue si ala su na mbeti aye so ala baa kâ, alingbi na sese mbarambara so ala kangbi ni so; ala su nga iri ti agbata ni. Na pekoni, ala kiri na tere ti Josué na ya ti bâbâ so ayeke na Silo.

Josué 19:51

Wayango-sandaga Elazar, na Josué, molenge ti Nune, na amakonzi ti asewa ti azo ti mara ti Israel akangbi asese nde nde so na amara ni na lege ti mbeni ye so ala bi. Ala sara ye ni so na Silo, na dawa ti KOTA GBIA, na yanga ti da ti bongo so Nzapa na azo ti lo ayeke wara tere daa. Lege so ala hunzi kangbingo asese ni laa.

Josué 23:4

Ala baa, na lege ti mbeni ye so mbi bi, mbi kangbi sese na popo ti amara ti ala; sese ni ayeke lani ti amara so mbi fâ ala, ti londo na ngu ti Jourdain, na mbage ti To ngbii asi na kota ngu-ingo ti Mediterane, na mbage ti Do.