Josué 18:1 - Mbeti ti Nzapa - Tënë so amu fini

¹ Na peko ti so azo ti Israel amu sese ni awe, ala kue abongbi tere ti ala na Silo. Kâ, ala kpo na nduzu da ti bongo so Nzapa na azo ti lo ayeke wara tere daa.

Josué 18:1 ပူးပေါင်းရင်းမြစ်များ

2 Samuel 7:6

Na lango so mbi sara si azo ti Israel asigigi na sese ti Ezipte ngbii asi laso, mbi de mbi lango na ya ti mbeni da pepe; me na ya ti tambula ti mbi, mbi yeke lango gi na gbe ti da ti bongo.

1 Agbia 14:2

Yeroboam atene na wali ti lo: “Mo yu bongo nde titene azo ahinga atene, mo laa wali ti gbia pepe. Na pekoni, mo gue na Silo. Wayanga-Nzapa Ahia ayeke kâ. Lo laa lo tene na mbi, lo tene, fade mbi yeke ga gbia ti azo ti Israel.

1 Agbia 14:4

Wali ti Yeroboam asara ye tongaso: lo gue na Silo si lo li na da ti Ahia. Andaa wayanga-Nzapa Ahia aga mbakoro awe, le ti lo avuko, lo lingbi ti baa ndo pepe.

1 Agbia 2:27

Salomon azi Abiatar na kua ti wayango-sandaga ti *KOTA GBIA. Tongaso tënë so KOTA GBIA atene ando na ndö ti azo ti sewa ti kota wayango-sandaga Heli na ya ti kota da ti Nzapa na Silo aga taa-tënë.

Néhémie 9:24

Ala li na sese ni, ala mu ni si aga ti ala. Mo sara si azo ti sese ni, azo Kanaan, ati na gbe ti akotara ti e; mo zia azo ni, na agbia ti ala na maboko ti akotara ti e. Akotara ti e asara na azo ni ye ti be ti ala.

Abia (Psaumes) 78:60

Lo zia da ti lo so ayeke na kodro ti Silo, da ti lo ti bongo so lo sara na popo ti azo.

Abia (Psaumes) 78:66

Lo pika awato ti lo so akpe si azia peko na lo, lo zia kamene na le ti ala biani biani.

Jérémie 26:6

Tongana ala ma pepe, fade mbi yeke buba kota da ti Nzapa so, tongana ti so mbi buba ti Silo. Mbi yeke sara si gbata ti Jérusalem aga tapande ti dengo ba ndali ti amara ti sese kue.’ ”

Jérémie 26:9

Ngbanga ti nyen si mo tene peko ti tënë ti yanga ti KOTA GBIA, mo tene: ‘Fade a yeke buba kota da ti Nzapa so tongana ti Silo, a yeke buba gbata so si azo ti gbata ni ayeke duti daa mbeni pepe so?’ ” Tongaso azo so kue ayeke na ya ti kota da ti Nzapa abongbi na tere ti Jérémie.

Jérémie 41:5

Tongaso, ambeni zo balemiombe alondo na Sishem, Silo nga na Samarii si aga. Azo ni akio kua ti yanga ti ala kiongo, ala suru bongo surungo na tere ti ala si ala suru tere ti ala na ka. Ala ga na asandaga ti ble na ti dukani ti ya ni na Nzapa na ya ti kota da ti lo na Jérusalem.

Wungo ti azo 32:22

Ayeke nzoni ala kiri na ndo ti ala gi na ndembe so ala mu kodro ni titene aga ti KOTA GBIA. Tongaso si KOTA GBIA, lo na azo ti Israel alingbi ti bi tënë pepe na li ti ala si kodro so ge so aga ti ala.

Awatokua 7:45

So akotara ti e awara da ni awe, ala mu ni, ala na Josué ague na ni na ya ti akodro so ala mu ni na maboko ti amara so Nzapa atumba ala na dawa ti akotara ni. Da so angba na ya ti akodro ni ngbii asi na ngoi ti David.

Josué 18:2

Me na popo ti azo ti Israel, amara mbarambara ade ti wara ti ala ambage ti sese ni pepe titene aga ti ala.

Josué 18:8

Akoli so a soro ala ti gue ti baa sese ni so aleke tere ti gue. Kozo titene ala gue, Josué amu yanga na ala, atene: “Ala gue, atambula na sese ni, ala su na mbeti aye so ala baa kâ. Na pekoni, ala kiri na tere ti mbi. Ge na Silo, mbi yeke bi mbeni ye na dawa ti KOTA GBIA ti baa lege so mbi yeke kangbi sese ni na amara oko oko.”

Josué 19:51

Wayango-sandaga Elazar, na Josué, molenge ti Nune, na amakonzi ti asewa ti azo ti mara ti Israel akangbi asese nde nde so na amara ni na lege ti mbeni ye so ala bi. Ala sara ye ni so na Silo, na dawa ti KOTA GBIA, na yanga ti da ti bongo so Nzapa na azo ti lo ayeke wara tere daa. Lege so ala hunzi kangbingo asese ni laa.

Josué 21:2

na Silo, na sese ti Kanaan. Ala tene na azo ni, atene: “*KOTA GBIA amu yanga na lege ti Moïse titene ala mu na e agbata titene e duti daa; ala mu nga ando ti tengo pere so ayeke nduru na e ndali ti anyama ti e.”

Josué 22:12

Gi so azo ti Israel ama tënë so, ala bongbi tere ti ala kue na Silo ti gue ti tiri bira na amara so ayeke na To ti ngu ti Jourdain.

Josué 22:19

Tongana ala baa atene sese ti ala ayeke *sioni, ayeke nzoni ala kiri aga na sese ti KOTA GBIA, so ndo ti dutingo ti lo ayeke daa so. Tongaso ala lingbi ti mu asese na popo ti asese ti e titene aga ti ala. Me ye oko, ala sara ngangu li na KOTA GBIA pepe, ala sara nga ngangu li na e pepe, na sarango mbeni gbalaka nde na ti KOTA GBIA, Nzapa ti e.

Josué 22:9

Tongaso, azo ti mara ti Ruben, ti Gad na ndambo ti mara ti Manase akiri na ndo ti ala. Ala zia azo ti Israel na Silo so ayeke na sese ti Kanaan si ala gue na sese ti Galaad, sese so a mu na ala alingbi na yanga so *KOTA GBIA amu na lege ti Moïse.

Awafango-ngbanga 18:31

Azo ti Dan abata yanda ti Mika so na ngoi so kue da ti Nzapa ayeke na kodro ti Silo.

Awafango-ngbanga 21:12

Na popo ti azo ti Yabesh kue, ala wara amolenge-wali ngbangbo osio so ade ti hinga koli pepe. Ala mu amolenge-wali ni si ague na ala na bâbâ ti Silo, na sese ti Kanaan.

Awafango-ngbanga 21:19

Tongaso ala tene: “Na ngu oko oko, a yeke sara matanga ti KOTA GBIA na kodro ti Silo so ayeke na Banga ti Betel, na To ti lege so alondo na Betel ti gue na Sishem, nga na Mbongo ti Lebona.”

1 Samuel 1:24

Na pekoni so Anne azi molenge ni na me awe, lo gue na lo na da ti KOTA GBIA na Silo. Lo mu nga na tere ti lo koli-bagara ti ngu ota, kota sembe ti farini oko, na vin so lo zia na ya ti bozo ti poro ti nyama. Andaa na ndembe ni so, Samuel ade kete molenge.

1 Samuel 1:3

Na ya ti ngu oko oko, Elkana ayeke londo na kodro ti lo ti gue na gbata ti Silo ti voro *KOTA GBIA so ayeke na ndö ti dunia kue, ti mu nga *sandaga na lo. Kâ, ambeni wayango-sandaga ti KOTA GBIA ayeke daa. Iri ti mbeni Hofni si iri ti mbeni Pinas; ala yeke amolenge ti Heli.