Josué 17:7 - Mbeti ti Nzapa - Tënë so amu fini

⁷ Katikati ti sese ti Manase alondo na Aser ague ngbii asi na Mikmetat, na To ti Sishem. Na Mikmetat, katikati ni azu ti gue na mbage ti Mbongo, ngbii asi na ndo ti azo ti En-Tapua.

Josué 17:7 ပူးပေါင်းရင်းမြစ်များ

Tongo nda ti aye 34:2

Sishem, molenge ti Hamor, zo ti mara ti Hivi, makonzi ti kodro ni, abaa Dina, lo mu lo, lo hon na lo, lo gbu lo na ngangu si lo lango na lo.

Tongo nda ti aye 37:12

A-ita ti Joseph ague na ataba na angasa ti babâ ti ala na gbata ti Sishem titene ala te pere.

Tongo nda ti aye 37:14

Jacob akiri atene: “Mo gue, mo baa a-ita ti mo; ala yeke kâ tongana nyen, anyama ni ayeke kâ tongana nyen? Na pekoni mo ga, mo fa peko ni na mbi.” Jacob ayeke lani na popo-hoto ti Hebron si lo tokua Joseph. Joseph ague, asi na Sishem.

1 Agbia 12:1

Roboam ague na Sishem, ngbanga ti so kâ laa azo ti Israel kue aga ti zia lo gbia.

1 Agbia 12:25

Yeroboam asara ngangu gbagba na tere ti gbata ti Sishem si lo duti daa; gbata ti Sishem ayeke na sese ti Efraim, ndo so ahoto ayeke daa. Na pekoni, lo londo na Sishem si lo gue, lo sara ngangu gbagba na tere ti gbata ti Penuel.

Abia (Psaumes) 60:6

Ti azo so ayeke kpe mbeto ti mo, mo fa na ala mbeni ye titene ala baa ni si ala kpe na dawa ti azo ti pikango kokora. Luti kete

Josué 17:6

Biani, a mu sese gi na akoli ti mara ti Manase pepe, a mu nga na awali ti oko mara ni. Me sese ti Galaad ayeke ti ambeni hale ti Manase.

Josué 17:8

Sese ti Tapua ayeke ti mara ti Manase. Me a mu gbata ni na azo ti Efraim; Tapua ayeke na katikati ti sese ti Manase.

Josué 20:7

Agbata so azo ti Israel azia ni nde ayeke so: Kedesh, so ayeke na Genezaret na sese ti Neftali, ndo so ahoto ayeke daa, Sishem, so ayeke na sese ti Efraim, ndo so ahoto ayeke daa, Kiriat-Arba, so a iri ni nga Hebron na sese ti Juda, ndo so ahoto ayeke daa.

Josué 21:21

Sishem, gbata so azo so afâ zo na mbana pepe ayeke kpe daa ti bata tere ti ala; Sishem ni ayeke na sese ti Efraim, ndo so ahoto ayeke daa, Gezer,

Josué 24:1

Josué abongbi amara ti Israel kue na Sishem. Lo iri *akangba ti ala, amakonzi ti ala, awafango-ngbanga ti ala nga na awafango-ndia ti ala. Ala ga aluti na dawa ti Nzapa.

Josué 24:32

Ti abio ti Joseph so azo ti Israel amu na Ezipte si akiri na ni, ala lu ni na Sishem, na sese so Jacob avo na maboko ti amolenge ti Hamor, babâ ti Sishem. Lo vo ni na ale ti nginza ngbangbo oko. Sese ni aga fadeso ti amolenge ti Joseph.

Awafango-ngbanga 9:1

Abimelek, molenge ti Yerubaal, ague na Sishem ti baa akoya ti lo nga na asewa ti mama ti lo kue. Lo tene na ala: