Josué 17:16 - Mbeti ti Nzapa - Tënë so amu fini

¹⁶ Ahale ti Joseph atene na lo: “Biani, sese ti ahoto ni alingbi na e pepe. Me azo ti Kanaan so kue ayeke duti na sese ti alando ayeke na apusu ti bira so a sara na wen; azo so ayeke na Bet-Shean na akete kete kodro so ayeke na tere ni nga na ala so ayeke na popo-hoto ti Yizreel, ala nga ayeke na apusu ti mbarata ti wen.”

Josué 17:16 ပူးပေါင်းရင်းမြစ်များ

1 Agbia 18:45

Le ti nduzu ato nda ti vuko vukongo ti gue na ni ndali ti mbinda so pupu ayeke ga na ni. Ngu-Nzapa ato nda ti pika ngangu. Akab ako na ndö ti pusu ti mbarata ti lo si lo gue na Yizreel.

1 Agbia 18:46

KOTA GBIA asara si Élie asi singo na ngangu. Tongaso lo kanga abongo ti lo si lo londo ti gue. Lo yeke kpe loro na dawa ti pusu ti mbarata ti Akab ngbii lo si na yanga ti gbata ti Yizreel.

1 Agbia 21:1

Na peko ti aye so, mbeni ye so akiri asi ayeke so: Nabot, zo ti gbata ti Yizreel ayeke na mbeni yaka ti vinye na gbata ti Yizreel. Yaka ni ayeke nduru na tere ti yangbo ti gbia Akab, gbia ti Samarii.

1 Agbia 21:23

Âdu ti Yezabel, tënë so KOTA GBIA atene na tere ti lo ayeke so: ‘Fade ambo ayeke te kuâ ti Yezabel nduru na gbagba ti bira ti gbata ti Yizreel.’

1 Agbia 4:12

Baana, molenge ti Ahilud ayeke govoronere ti sese ti Taanak na ti Megido nga na sese ti Bet-Shean kue. – Sese ti Bet-Shean ague, andu tere na Sartan si ayeke na gbe ti gbata ti Yizreel; alondo na Bet-Shean ague, asi na Abel-Mehola, akiri ague ngbii ahon Yokmeam.

2 Agbia 9:10

Ti Yezabel, fade ambo ayeke te kuâ ti lo na yaka ti Yizreel; fade zo ti lungo kuâ ti lo ayeke duti daa pepe.’ ” Na pekoni, wayanga-Nzapa ni azi yanga ti da si lo kpe, lo hon.

2 Agbia 9:37

Fade kuâ ti Yezabel ayeke lango na ndö ti sese si aga tongana puru na ya ti yaka so. Zo so abaa kuâ ni, lo lingbi ti tene pepe: So Yezabel laa.’ ”

Jérémie 49:2

Ndani laa, ambeni lango ayeke ga so mbi yeke sara titene azo ama dekongo ti bira na Raba, li-kodro ti azo ti mara ti Amon; so tënë ti yanga ti KOTA GBIA laa. Fade gbata ni ayeke ga ngonda, wâ ayeke gbi akete kodro so ayeke na tere ni. Na pekoni, Israel ayeke kiri ti mu ye so ayeke lani ti lo.” Tënë so KOTA GBIA atene laa.

Josué 15:56

Yizreel, Yokdeam, Zanoa,

Josué 17:11

Na sese ti Isakar na ti Aser, a mu na azo ti mara ti Manase Bet-Shean na Ibleam nga na akete kete kodro so ayeke na tere ni. A mu nga na ala Dor, En-Dor, Taanak, Megido na azo ti agbata ni nga na akete kete kodro so ayeke na tere ni, so ti tene lando ti Dor.

Josué 17:15

Josué atene na ala: “Tongana ala wu mingi si sese ti Efraim, ndo so ahoto ayeke daa alingbi na ala pepe, ayeke nzoni ala gue na ya ti gbako ti azo ti mara ti Perizi na ti Refa, ala fâ ndo ni, ala leke ni si ala duti daa.”

Josué 17:17

Tongaso Josué atene na ahale ti Joseph, so ti tene azo ti mara ti Efraim na ti Manase, atene: “Biani, ala wu mingi si ala yeke ngangu mingi. Fade ala yeke wara gi mbage ti sese oko pepe;

Josué 17:18

me fade ala yeke mu sese ti ahoto so gbako ayeke daa. Ala yeke de gbako ni si ala mu ni kue, ala duti daa. Fade ala yeke tumba azo ti Kanaan ti mu sese ti ala, ataa so azo ti Kanaan ni ayeke na apusu ti mbarata ti wen si ala yeke ngangu mingi.”

Josué 19:18

Na sese ti ala, mo yeke wara agbata tongana: Yizreel, Kesulot, Shunem,

Awafango-ngbanga 1:19

KOTA GBIA wani ayeke na azo ti Juda, lo sara si ala mu sese so ahoto ayeke daa. Me ala tumba azo so alango na lando ti gbeni so pepe, ngbanga ti so azo ni ayeke na apusu ti bira so a sara na wen.

Awafango-ngbanga 4:13

Tongaso, Sisra alondo si lo bongbi apusu ti bira so a sara na wen, wungo ni ayeke ngbangbo gumbaya. Lo bongbi aturugu ti lo kue, ala londo na Harosheth-Goim si ala gue na tere ti kete ngu ti Kishon.

Awafango-ngbanga 4:3

Yabin ayeke na apusu ti bira ngbangbo gumbaya so a sara na wen; lo sara sana na azo ti Israel na ya ti ngu baleuse. Tongaso azo ti Israel adekongo na KOTA GBIA titene lo mu maboko na ala.

Awafango-ngbanga 6:33

Azo ti Madian kue, azo ti Amalek na ambeni mara ti mbage ti To abongbi oko, ala gue, afa ngu ti Jourdain si ala sara bâbâ ti ala na lando ti Yizreel.

1 Samuel 29:1

Azo ti Filistii abongbi aturugu ti ala kue na Afek. Azo ti Israel asara bâbâ ti ala nduru na li ti ngu so ayeke na Yizreel.