Josué 17:13 - Mbeti ti Nzapa - Tënë so amu fini

¹³ Ataa so azo ti Israel awara ngangu ahon ndoni, ala wara lege ti tumba azo ti Kanaan pepe; me ala mu na azo ti Kanaan ni ambeni ngangu kua titene ala sara.

Josué 17:13 ပူးပေါင်းရင်းမြစ်များ

Tongo nda ti aye 49:15

Lo baa lo tene wungo tere ayeke nzoni si sese ni nga ayeke nzoni na le ti lo. Lo yoro go ti lo titene a zia nengo kungba daa, lo yeke sara kua ti ngbaa.

2 Samuel 3:1

Bira ni aninga mingi na popo ti azo ti Saul na ti azo ti David. Ngangu ti David ayeke gue guengo na nduzu, me ngangu ti azo ti Saul ayeke woko wokongo.

1 Agbia 9:21

Azo ni so angba na ya ti kodro ni, ngbanga ti so azo ti Israel awara lege ti fâ ala kue pepe; Salomon amu ala ti sara angangu kua ti ngbaa. *Ahale ti ala angba ti sara akua ni ngbii asi laso.

Efeze 6:10

Ti hunzi na ni, ala kpengba na lege ti kota ngangu ti *Kota Gbia, ngbanga ti so ala ga oko na lo.

Filipe 4:13

Mbi lingbi ti sara aye so kue, ngbanga ti so Christ laa amu na mbi ngangu.

Josué 16:10

Azo ti mara ti Efraim atumba azo ti Kanaan so ayeke lango na Gezer so pepe. Ala ngba ti lango na popo ti azo ti mara ti Efraim ngbii asi laso. Me azo ti mara ti Efraim amu na ala akua ti ngbaa titene ala sara ni.

2 Pierre 3:18

Me alingbi nzoni be ti Kota Gbia Jésus Christ, Wasongo e angba ti mai na be ti ala si ala ngba ti mai na lege ti hingango lo. Gonda ayeke ti lo fadeso si angba ti lo kpu na kpu! Amen.

Awafango-ngbanga 1:28

Na ngoi so azo ti Israel aga ngangu mingi, ala yeke mu azo ti Kanaan ti sara akua ti ngbaa; me ala mu sese na maboko ti azo ti Kanaan ni pepe.

Awafango-ngbanga 1:30

Mara ti Zabulon atumba azo ti Kanaan pepe, ala so ayeke lango na Kitron nga na Nahalal so. Ala ngba ti lango na popo ti azo ti mara ti Zabulon, me ala yeke sara kua ti ngbaa na azo ti mara ti Zabulon.

Awafango-ngbanga 1:33

Mara ti Neftali atumba azo so ayeke lango na gbata ti Bet-Shemesh nga na ti Bet-Anat pepe. Ala ngba asara kodro na popo ti ala. Me azo ti Kanaan ayeke sara kua ti ngbaa na azo ti Bet-Shemesh na azo ti Bet-Anat.

Awafango-ngbanga 1:35

Azo ti mara ti Amori angba ti lango na Har-Heres, Ayalon na Shaalbim. Me na pekoni, azo ti mara ti Efraim na ti Manase aga ngangu si azo ti mara ti Amori ayeke sara kua ti ngbaa na ala.