Josué 17:1 - Mbeti ti Nzapa - Tënë so amu fini

¹ A mu nga sese na azo ti mara ti Manase, kozo molenge ti Joseph. *Ahale ti Makir, ngangu zo ti bira, kozo molenge ti Manase, ala wara ti ala sese ti Galaad na ti Bashan.

Josué 17:1 ပူးပေါင်းရင်းမြစ်များ

Tongo nda ti aye 41:51

Joseph adi iri ti kozo molenge ni Manase, ngbanga ti so lo tene na be ti lo, lo tene: “Nzapa asara si mbi girisa apasi ti mbi nga na azo ti da ti babâ ti mbi.”

Tongo nda ti aye 41:52

Lo di iri ti use molenge ni Efraim, ngbanga ti so lo tene na be ti lo, lo tene: “Nzapa asara si mbi ga zo ti dungo ni na sese so a sara pasi na mbi.”

Tongo nda ti aye 46:20

Na kodro ti Ezipte, Joseph adu Manase na Efraim. Lo du ala na Asenat, molenge ti Potifera ti wali. Potifera ayeke wayango-sandaga ti gbata ti One.

Tongo nda ti aye 48:17

Joseph abaa so babâ ti lo azia maboko ti lo ti koli na li ti Efraim; so asara nzoni na lo pepe. Lo zi maboko ti babâ ti lo ni na li ti Efraim ti zia ni na li ti Manase.

Tongo nda ti aye 48:18

Lo tene na babâ ti lo, lo tene: “Lege ni laa pepe, babâ! Kozo molenge ni laa ge so. Zia maboko ti mo ti koli na li ti lo.”

Tongo nda ti aye 50:23

Lo baa amolenge ti Efraim, na a-ata ti Efraim. Amolenge-koli so Makir, molenge ti Manase adu ala, Joseph amu nga ala tongana amolenge ti ya ti lo.

2 Samuel 2:9

Kâ, lo zia Ishebaal gbia na ndö ti asese ti Galaad, ti Aser, ti Yizreel, ti Efraim, ti Benjamin; so ti tene na ndö ti Israel kue.

1 Mbai 2:23

Me agbia ti agbata ti Geshur na ti Aram amu akodro ti Yair nga na gbata ti Kenat na akete kodro so ayeke na tere ni. Wungo ti akodro ni kue ayeke baleomene. Azo so kue ayeke lango na ya ti akodro ni so ayeke *ahale ti Makir, babâ ti Galaad.

Ezekiel 47:13

Tënë so Kota Gbia NZAPA atene ayeke so: “Mbi yeke fa na ala akatikati ti sese so ala amara baleoko na use ti Israel ayeke kangbi na popo ti ala. Na ya ti kangbingo ye ni, mara ti Joseph ayeke wara ti lo use.

Ezekiel 48:4

Ti to nda ni na yanga ti sese ti Neftali, ti londo na To ngbii asi na Do, ti Manase sese ni laa.

Wungo ti azo 26:29

Amolenge ti Manase ayeke so: Makir, kotara ti azo ti kete mara ti Makir. Makir adu Galaad; Galaad ayeke kotara ti azo ti kete mara ti Galaad.

Wungo ti azo 27:1

Mala, Noa, Hogla, Milka na Tirsa ayeke amolenge ti Selofad ti wali; Selofad ayeke zo ti kete mara ti Manase. Joseph laa adu Manase; Manase adu Makir; Makir adu Galaad; Galaad adu Hefer; Hefer adu Selofad. Mbeni lâ, awali oku so aga,

Wungo ti azo 32:33

Tongaso Moïse amu na azo ti mara ti Gad na ti Ruben, nga na ndambo ti mara ti Manase, molenge ti Joseph kodro-gbia ti Sihon, gbia ti azo ti Amori; lo mu nga na ala kodro-gbia ti Og, gbia ti Bashan, na akodro nga na agbata so angoro ni.

Ndia ti fani use ni 21:17

Me alingbi koli ni ayeda, atene: kozo molenge-koli ni ayeke molenge ti wali so lo ye lo pepe so. Fade lo yeke mu aye so kue lo yeke na ni na kozo molenge ni fani use, ngbanga ti so lo yeke kozo molenge so lo ngba ngangu si lo du lo.

Josué 17:2

A mu nga sese na tanga ti mara ti Manase alingbi na akete mara ti ala; akete mara ni ayeke so: kete mara ti Abiezer, ti Helek, ti Asriel, ti Shekem, ti Hefer na ti Shemida; ala kue ayeke ahale ti Manase, molenge ti Joseph.

Josué 22:7

Moïse amu lani na ndambo ti mara ti Manase mbeni sese na Bashan, na To ti ngu ti Jourdain. Josué amu na mbeni ndambo ti Mara ni, sese na mbage ti Do ti ngu ti Jourdain; lo mu ni na ala legeoko na tanga ti amara ti Israel. Na ndembe so Josué azia ala titene ala kiri na ndo ti ala, lo sara tufa na ndö ti ala.

Awafango-ngbanga 5:14

Azo so akinda azo ti Amalek alondo na Efraim si aga. Azo ti mara ti Benjamin amu peko ti ala; ala li na popo ti aturugu ti ala. Amakonzi alondo na Makir si aga. Akota zo ti aturugu alondo ti ala na Zabulon si aga.