Josué 16:9 - Mbeti ti Nzapa - Tënë so amu fini

⁹ A mu nga na ala ambeni gbata na akete kodro so ayeke na tere ni na sese ti azo ti mara ti Manase.

Josué 16:9 ပူးပေါင်းရင်းမြစ်များ

2 Samuel 2:9

Kâ, lo zia Ishebaal gbia na ndö ti asese ti Galaad, ti Aser, ti Yizreel, ti Efraim, ti Benjamin; so ti tene na ndö ti Israel kue.

1 Mbai 7:28

Sese so a mu na azo ti mara ti Efraim titene ala duti daa ayeke Betel na akete kodro so ayeke na tere ni. Na mbage ti To ayeke Naaran, na mbage ti Do ayeke Gezer na akete kodro so ayeke na tere ni, nga na ndo so ayeke na popo ti Sishem na ti Aya na akete kodro so ayeke na tere ni.

Ezekiel 48:5

Ti to nda ni na yanga ti sese ti Manase, ti londo na To ngbii asi na Do, ti Efraim sese ni laa.

Josué 16:10

Azo ti mara ti Efraim atumba azo ti Kanaan so ayeke lango na Gezer so pepe. Ala ngba ti lango na popo ti azo ti mara ti Efraim ngbii asi laso. Me azo ti mara ti Efraim amu na ala akua ti ngbaa titene ala sara ni.

Josué 16:8

Na Do ti Mikmetat, katikati ti sese ni alondo na Tapua, ague ngbii asi na ngu ti Kana; na pekoni asi na kota ngu-ingo ti Mediterane. So ayeke sese so aga ye ti azo ti mara ti Efraim alingbi na akete mara ti ala laa.

Josué 17:9

Na pekoni, katikati ni azu ague na Mbongo ti ngu ti Kana. A mu agbata so ayeke na Mbongo ti ngu ni na azo ti Efraim, ataa so agbata ni ayeke na sese ti Manase. Katikati ni akiri ahon na ndo so na mbage ti Banga si asi na kota ngu-ingo ti Mediterane.