Josué 16:10 - Mbeti ti Nzapa - Tënë so amu fini

¹⁰ Azo ti mara ti Efraim atumba azo ti Kanaan so ayeke lango na Gezer so pepe. Ala ngba ti lango na popo ti azo ti mara ti Efraim ngbii asi laso. Me azo ti mara ti Efraim amu na ala akua ti ngbaa titene ala sara ni.

Josué 16:10 ပူးပေါင်းရင်းမြစ်များ

1 Agbia 9:15

Gbia Salomon agbu azo na ngangu titene ala sara kota da ti KOTA GBIA, yangbo ti gbia, ndo so iri ni Milo, gbagba ti Jérusalem na agbata ti Hasor, ti Megido na ti Gezer.

1 Agbia 9:16

Faraon, gbia ti Ezipte ague si lo mu gbata ti Gezer na lege ti bira; lo gbi gbata ni si lo fâ azo ti Kanaan so alango kâ. Na pekoni, lo mu gbata ti Gezer na molenge ti lo ti wali so ayeke wali ti Salomon si aga tongana ye so zo ayeke ka na peko ti wali.

1 Agbia 9:21

Azo ni so angba na ya ti kodro ni, ngbanga ti so azo ti Israel awara lege ti fâ ala kue pepe; Salomon amu ala ti sara angangu kua ti ngbaa. *Ahale ti ala angba ti sara akua ni ngbii asi laso.

2 Mbai 8:8

Azo ni so angba na ya ti kodro ni, ngbanga ti so azo ti Israel afâ ala kue kue kue pepe; Salomon amu ala ti sara angangu kua. *Ahale ti ala angba ti sara angangu kua ni ngbii asi laso.

Josué 10:33

Horam, gbia ti Gezer, ague ti mu maboko na azo ti Lakish. Me Josué afâ lo na aturugu ti lo kue; lo zia zo oko angba na fini pepe.

Josué 15:63

Azo ti mara ti Juda awara lege pepe ti tumba azo ti mara ti Yebus so ayeke lango na Jérusalem. Azo ti mara ti Yebus na azo ti Juda angba ti lango na Jérusalem ngbii asi laso.

Josué 16:9

A mu nga na ala ambeni gbata na akete kodro so ayeke na tere ni na sese ti azo ti mara ti Manase.

Josué 17:12

Me azo ti Manase awara lege ti tumba azo ti agbata ni pepe; azo ti Kanaan angba ti duti na sese ni.

Josué 17:13

Ataa so azo ti Israel awara ngangu ahon ndoni, ala wara lege ti tumba azo ti Kanaan pepe; me ala mu na azo ti Kanaan ni ambeni ngangu kua titene ala sara.

Awafango-ngbanga 1:29

Mara ti Efraim atumba azo ti Kanaan pepe; ala so ayeke lango na Gezer angba ti lango na popo ti azo ti mara ti Efraim.