Josué 15:8 - Mbeti ti Nzapa - Tënë so amu fini

⁸ Katikati ni akiri ahon na popo-hoto ti Hinom, na tere ti hoto ti mbage ti Mbongo ti azo ti mara ti Yebus, so ti tene Jérusalem. Na pekoni, katikati ni ague ngbii asi na li ti hoto so ayeke na Do ti popo-hoto ti Hinom, akiri ague ngbii asi na popo-hoto ti azo ti mara ti Refa, na mbage ti Banga.

Josué 15:8 ပူးပေါင်းရင်းမြစ်များ

2 Samuel 5:18

Azo ti Filistii asi si ala mu ndo so kue ayeke na popo-hoto ti azo ti Refa.

2 Samuel 5:22

Azo ti Filistii akiri ague ti tiri bira na ndo so ayeke na popo-hoto ti azo ti Refa, ala mu ndo ni kue.

2 Agbia 23:10

Yosias asara si Tofet so ayeke na popo-hoto ti Hinom aga *sioni, tongaso si azo akiri agbi amolenge ti ala ti koli na ti wali na wâ pepe ti mu na *sandaga na nzapa Molek.

1 Mbai 11:4

David na azo ti Israel kue ague, amu gbata ti Jérusalem, so ti tene Yebus. Azo ti Yebus so alango na sese ni asara lani kodro kâ.

2 Mbai 28:3

Lo wani, lo zö dukani na popo-hoto ti Molenge ti Hinom si lo gbi amolenge ti lo ti koli na wâ ti mu na *sandaga. Lo mu peko ti asioni sarango ye ti amara nde, asioni ye so zo alingbi ti baa na le ti lo fani use pepe. Ando KOTA GBIA atumba amara ni na ndö ti sese ni si lo mu na azo ti Israel.

Néhémie 11:30

Zanoa, Adulam na akete kodro so ayeke na tere ni, Lakish na ayaka ni, Azeka na ando nde nde so ayeke na tere ni. Azo ni aduti na popo ti Bersheba, na mbage ti Mbongo, ngbii asi na popo-hoto ti Hinom, na mbage ti Banga.

Ésaïe 17:5

Lango ni so ayeke duti tongana lango na peko ti so zo afâ ale ti kobe, lo bongbi ale ti ble si lo kanga agba ti le ni awe. Biani, ayeke duti tongana lango na peko ti so zo abongbi ale ti kobe awe na popo-hoto ti azo ti mara ti Refa.

Jérémie 19:14

Jérémie alondo na Tofet, ndo so KOTA GBIA atokua fade lo daa ti tene peko ti tënë ti yanga ti lo si lo kiri. So lo kiri awe, lo luti na ya ti gbagba ti kota da ti Nzapa si lo tene na azo ti kodro kue, lo tene:

Jérémie 19:2

Na pekoni, mo sigigi na yanga ti gbagba ti gbata so iri ni ti Fango-ta. Yanga ti gbagba ni ayeke baa ndo na mbage ti popo-hoto ti Hinom. Kâ, fade mo yeke to mbela na tënë so mbi yeke tene na mo.

Jérémie 19:6

“Ndani laa, mbeni lango ayeke ga so fade azo ayeke kiri ti di iri ti ndo so pepe, atene: ‘Tofet’ wala ‘Popo-hoto ti Hinom’, me fade azo ayeke tene: ‘Popo-hoto ti fango zo’; so tënë ti yanga ti KOTA GBIA laa.

Josué 15:63

Azo ti mara ti Juda awara lege pepe ti tumba azo ti mara ti Yebus so ayeke lango na Jérusalem. Azo ti mara ti Yebus na azo ti Juda angba ti lango na Jérusalem ngbii asi laso.

Josué 18:16

Katikati ni alondo na ndo so, azu na tere ti hoto so ayeke baa le na popo-hoto ti Hinom, na Banga ti popo-hoto ti azo ti mara ti Refa. Katikati ni ahon na popo-hoto ti Hinom ni, na tere ti hoto ti azo ti mara ti Yebus si azu ague ngbii asi na En-Rogel.

Josué 18:28

Sela, Elef, gbata ti azo ti Yebus, so ti tene Jérusalem, Gibea na Kiriat-Yearim, so ti tene agbata baleoko na osio na akete kodro so ayeke na tere ni. So ayeke sese so aga ye ti azo ti Benjamin alingbi na akete mara ti ala laa.

Awafango-ngbanga 1:21

Ahale ti Benjamin atumba azo ti mara ti Yebus pepe, ala yeke lango na Jérusalem. Tongaso, mara ti Yebus ni na azo ti Benjamin angba ti lango ndo oko na Jérusalem ngbii asi laso.

Awafango-ngbanga 1:8

Azo ti Juda atiri bira na azo ti Jérusalem si ala mu gbata ni, ala fâ azo ni kue na yongoro zeme ala bi nga wâ na gbata ni.

Awafango-ngbanga 19:10

Ti so ni, koli ni ake; lo londo lo gue, lo na wali ti lo, na alele ti lo use so a zia aye ti dutingo na ndö ti ala. Ala gue ngbii, ala si nduru na gbata ti Yebus, so ti tene Jérusalem.