Josué 15:7 - Mbeti ti Nzapa - Tënë so amu fini

⁷ Katikati ti sese ni akiri ahon na popo-hoto ti Akor, ague na mbage ti Debir. Na mbage ti Banga, angoro ague na mbage ti Gilgal, na ndo so abaa le na hoto ti Adumim, so ayeke na yanga ti ngu, na Mbongo. Na pekoni, ahon na tere ti li ti ngu ti En-Shemesh si asi na En-Rogel.

Josué 15:7 ပူးပေါင်းရင်းမြစ်များ

2 Samuel 17:17

Jonatan, molenge ti Abiatar na Ahimaas, molenge ti Sadok aluti nduru na li ti ngu ti En-Rogel. Mbeni zo ti kua ti wali ayeke daa so ayeke gue ti tene atënë na ala si ala wani ayeke gue ti tene peko ni na gbia David. Biani, Jonatan na Ahimaas alingbi pepe ti li na ya ti gbata ni, ngbanga ti azo abaa ala.

1 Agbia 1:9

Mbeni lâ, Adonia afâ ataba na angasa, akoli-bagara na abagara ti mafuta si lo mu ala na *sandaga nduru na tere ti têne ti Zohelet so ayeke na tere ti li ti ngu ti En-Rogel. Adonia atisa a-ita ti lo ti koli, amolenge ti gbia, na akota zo ti sese ti Juda so ayeke sara kua ndali ti gbia.

Ésaïe 65:10

Ti azo ti mbi so agi mbi, fade lando ti Saron ayeke ga ndo ti tengo kobe ti ataba na ti angasa; popo-hoto ti Akor ayeke ga ndo ti lango ti abagara.

Osée 2:5

Tongaso pepe, mbi yeke zi bongo na tere ti lo ti zia lo ndumbu tongana ti lango so mama ti lo adu na lo. Fade mbi yeke sara titene lo ga tongana benyama, ndo so ngu ayeke daa pepe; mbi yeke sara titene nzara ti ngu afâ lo.

Josué 10:43

Na pekoni, Josué na azo ti Israel kue akiri na ya ti bâbâ, na Gilgal.

Josué 15:15

Lo londo na ndo so si lo gue ti tiri bira na azo ti Debir; iri ti Debir ni ayeke ando Kiriat-Sefer.

Josué 15:6

Katikati ni ague na mbage ti nduzu na Bet-Hogla, ahon na Banga ti Bet-Araba, angoro ngbii asi na tere ti têne ti Bohan, molenge ti Ruben.

Josué 18:17

Angoro na mbage ti Banga si ague na mbage ti En-Shemesh nga na Gelilot, so ayeke baa le na lege so ayeke gue na nduzu, na Adumim. Na pekoni, azu ague na ndo so têne ti Bohan ayeke daa; Bohan ayeke molenge ti Ruben.

Josué 4:19

Azo ti Israel afâ ngu ti Jourdain na lango baleoko ti kozo nze ti ngu ni. Ala sara bâbâ ti ala na Gilgal, na To ti Jéricho.

Josué 7:24

Josué na azo ti Israel kue amu Akan, molenge ti Zera, na wen ti nginza ni, bongo ni, ngbongboro lôro ni; amolenge ti lo ti koli na ti wali, abagara ti lo, alele ti lo, angasa ti lo, ataba ti lo, da ti lo ti bongo, na aye ti lo kue si ague na lo nga na aye ni na popo-hoto ti Akor.

Josué 7:26

Na pekoni, ala leke kota gba ti têne na ndö ti lo; gba ti têne ni angba ngbii asi laso. Ndani laa azo adi iri ti ndo ni, popo-hoto ti Akor ngbii asi laso. Na peko ti aye so kue, ngonzo ti KOTA GBIA ade.