Josué 15:47 - Mbeti ti Nzapa - Tënë so amu fini

⁴⁷ Asdod na Gaza, na akete kete kodro nga na akete kodro so ayeke na tere ni, ague ngbii asi na ngu ti Ezipte, akiri ague ngbii asi na yanga ti kota ngu-ingo ti Mediterane.

Josué 15:47 ပူးပေါင်းရင်းမြစ်များ

1 Agbia 5:4

Salomon aduti na ndö ti akodro so kue ayeke na mbage ti Do ti bale ti Efrate, ti londo na Tifsa ngbii asi na Gaza. Agbia ti akodro so kue ayeke na gbe ti Salomon. Lo duti na siriri na azo ti akodro so kue ayeke nduru na tere ti lo.

2 Agbia 18:8

Lo wani, lo hon ndö ti azo ti Filistii na bira, lo tumba peko ti ala ngbii asi na gbata ti Gaza. Lo mu ada so ayo na nduzu si aturugu ayeke luti daa ti baa ndo nga na agbata so a sara gbagba ti bira na tere ni.

2 Mbai 26:6

Ozias ague ti tiri bira na azo ti Filistii. Lo kungbi na sese angangu gbagba ti Gat, ti Yabne na ti Asdod. Na pekoni, lo sara agbata na sese ti Asdod nga na sese ti azo ti Filistii.

Sigingo 23:31

Fade mbi yeke sara titene katikati ti sese ti ala alondo na kota ngu-ingo ti Asosongo ague ngbii asi na kota ngu-ingo ti Mediterane, akiri alondo na benyama ti Sinai ague ngbii asi na *bale ti Efrate. Mbi yeke zia azo ti sese ni na maboko ti ala si ala yeke tumba azo ni.

Jérémie 47:1

Tënë ti *KOTA GBIA asi na wayanga-Nzapa Jérémie ndali ti azo ti Filistii. Tënë ni asi na lo kozoni si Faraon ague ti tiri bira na Gaza.

Jérémie 47:5

Na Gaza, azo afâ kua ti li ti ala; na Askalon, ndo ade ngii. Ala azo so ayo mingi si ala ngba na fini so, ala yeke ngba ti suru tere ti ala na ka ngbii asi lawa?

Sofonii 2:4

Zo ayeke kiri ti ngba na ya ti gbata ti Gaza pepe, gbata ti Askalon ayeke ga ngonda; a yeke tumba azo ti Asdod gi na bekombite, a yeke gboto azo ti Ekron tongana ti so a yeke gboto pere na gunda ni kue.

Awatokua 8:26

*Ange ti *Kota Gbia atene na Philippe: “Londo, mo gue na mbage ti Mbongo, na lege so alondo na Jérusalem azu ti gue na Gaza. Azo akiri ahon na lege ni so pepe.”

Ndia ti fani use ni 2:23

Ti azo ti mara ti Avi, ala lango ando na ya ti akete kodro ti sese ti Gaza. Me azo alondo na Kaftor aga, afâ ala kue ahunzi ala si aduti na ya ti akodro ni na plase ti ala. –

Josué 11:22

Mbeni zo ti mara ti Anak oko angba na sese ti Israel pepe. Me ambeni angba na ya ti agbata ti Gaza, ti Gat nga na ti Asdod.

Josué 13:3

Azo abaa sese ni so tongana ti azo ti Kanaan; sese ni alondo na ngu ti Shihor so ayeke baa le na Ezipte, ague ngbii asi na katikati ti sese ti Ekron, na mbage ti Banga. Agbia oku ti azo ti Filistii ayeke kâ: gbia ti Gaza, ti Asdod, ti Askalon, ti Gat na ti Ekron; sese ti azo ti mara ti Avi ayeke nga kâ,

Josué 15:4

Sese ni akiri ahon na mbage ti Asmon, ague ngbii asi na ngu ti Ezipte si asi na kota ngu-ingo ti Mediterane. Ndo so katikati ti sese ti Juda ahon daa na mbage ti Mbongo laa.

Josué 15:46

agbata na akete kodro so kue ayeke na tere ti Asdod, na popo ti Ekron na kota ngu-ingo ti Mediterane,

Josué 15:48

Agbata ti sese ti ahoto ayeke so: Shamir, Yatir, Soko,