Josué 15:2 - Mbeti ti Nzapa - Tënë so amu fini

² Katikati ti sese ti ala na mbage ti Mbongo, alondo na yanga ti kota ngu ti Gba-ti-ingo, so ayeke baa le na sese ti mbage ti Mbongo.

Josué 15:2 ပူးပေါင်းရင်းမြစ်များ

Tongo nda ti aye 14:3

Ala kue abongbi na popo-hoto ti Sidim, so kota ngu ti Gba-ti-ingo ayeke daa laso so.

Ésaïe 11:15

KOTA GBIA ayeke sara si kota ngu-ingo ti Ezipte ahole. Lo yeke yoro maboko ti lo na ndö ti *bale ti Efrate; lo yeke wu kota pupu si ya ti bale ni akangbi maboko ni mbarambara, zo alingbi ti hon daa na gere senge.

Ezekiel 47:18

Na mbage ti To, katikati ni ayeke londo na popo ti Damas na Horan, ayeke hon na tere ti ngu ti Jourdain, na popo ti Galaad na sese ti Israel; ayeke gue ngbii asi na Tamar, asi na kota ngu ti Gba-ti-ingo. So katikati ni na mbage ti To laa.

Ezekiel 47:8

Lo tene na mbi: “Ngu so ayeke sua na mbage ti To ti sese ni, ayeke gue na lando ti Araba, na pekoni, ayeke tuku na ya ti kota ngu ti Gba-ti-ingo. Tongana atuku na ya ti kota ngu-ingo ni awe, ngu ni akiri aga nzoni.

Wungo ti azo 34:3

“Na mbage ti Mbongo, katikati ti sese ti ala ayeke londo na benyama ti Zin, ayeke hon na tere ti sese ti Edom. Na mbage ti To, katikati ni ayeke gue, asi na yanga ti kota ngu ti Gba-ti-ingo.

Josué 15:1

So ayeke sese so a mu na azo ti mara ti Juda alingbi na akete mara ti ala; ti londo na Mbongo-To, sese ni ague ngbii asi na katikati ti sese ti Edom, amu benyama ti Zin, so ayeke na mbage ti Mbongo kâ, ague, asi na mbage ti gbeni kâ.

Josué 15:3

Na pekoni, ahon na Mbongo ti hoto ti Akparakongo nga na benyama ti Zin. Akiri ahon na Mbongo ti Kades-Barnea, ague ngbii asi na Hesron nga na Adar, angoro ague na mbage ti Karka.

Josué 3:16

ngu so alondo na mbage ti nduzu ti sua na gbeni akai ti sua, mo baa mo tene, a kanga ni kangango. Ngu ni aluti yongoro kâ na gbata ti Adam so ayeke nduru na gbata ti Sartan. Ngu so ayeke sua ti gue na gbeni na ya ti kota ngu ti Gba-ti-ingo ahon biani biani. Azo ni afâ ngu ti Jourdain na ndo so abaa le na gbata ti Jéricho.