Josué 15:12 - Mbeti ti Nzapa - Tënë so amu fini

¹² Katikati ni na mbage ti Do ayeke kota ngu-ingo ti Mediterane. So ayeke akatikati ti sese so a kangbi ni na azo ti Juda alingbi na akete mara ti ala laa.

Josué 15:12 ပူးပေါင်းရင်းမြစ်များ

Ezekiel 47:20

Na mbage ti Do, yanga ti kota ngu-ingo ti Mediterane ayeke katikati ti ala laa, alondo na mbage ti Mbongo ague ngbii asi na Hamat na mbage ti Banga. So katikati ni na mbage ti Do laa.

Ezekiel 48:7

Ti to nda ni na yanga ti sese ti Ruben, ti londo na To ngbii asi na Do, ti Juda sese ni laa.”

Ndia ti fani use ni 11:24

Ndo so kue gere ti ala ayeke do ni ayeke ga ti ala: katikati ti sese ti ala ayeke londo na benyama na mbage ti Mbongo, ague ngbii asi na ahoto ti Liban na mbage ti Banga. Mbeni katikati ni ayeke londo na yanga ti *bale ti Efrate, na mbage ti To, ague ngbii asi na yanga ti kota ngu-ingo ti Mediterane na mbage ti Do.

Josué 15:11

Katikati ni akiri amu tere ti hoto ti Ekron, afâ ya ti hoto ti Baala, ague na mbage ti Yabne. Na pekoni asi na kota ngu-ingo ti Mediterane.

Josué 15:47

Asdod na Gaza, na akete kete kodro nga na akete kodro so ayeke na tere ni, ague ngbii asi na ngu ti Ezipte, akiri ague ngbii asi na yanga ti kota ngu-ingo ti Mediterane.

Josué 18:5

Fade ala yeke kangbi ya ti sese ni mbarambara. Azo ti mara ti Juda ayeke duti na sese ti ala na mbage ti Mbongo, ala ti Joseph ayeke duti na sese ti ala, na mbage ti Banga.