Josué 14:9 - Mbeti ti Nzapa - Tënë so amu fini

⁹ Na lango ni so, Moïse adeba yanga ti lo, atene: ‘Sese so gere ti mo ado ni so ayeke ga ande ti mo na amolenge ti mo biani biani, ngbanga ti so mo mu peko ti KOTA GBIA, Nzapa ti mbi na be ti mo kue.’

Josué 14:9 ပူးပေါင်းရင်းမြစ်များ

Abia (Psaumes) 37:9

Biani, fade a yeke bi azo ti sioni na gigi; me azo so azia be ti ala na ndö ti KOTA GBIA, fade kodro ni ayeke ga ti ala.

Wungo ti azo 13:22

Ala mu lege so ahon na mbage ti Mbongo si ala gue ngbii asi na Hebron, ndo so azo ti kete mara ti Ahiman, ti Sheshai na ti Talmai ayeke lango daa. Ala kue ayeke *ahale ti Anak. A sara gbata ti Hebron ngu mbarambara kozoni si a sara gbata ti Soan so ayeke na Ezipte.

Ndia ti fani use ni 1:36

Gi Kaleb oko, molenge ti Yefune laa ayeke baa ni. Fade mbi yeke mu na lo, lo na *ahale ti lo, sese so gere ti lo ado so, ngbanga ti so lo sara ye alingbi na atënë ti yanga ti mbi kue.”

Ndia ti fani use ni 11:24

Ndo so kue gere ti ala ayeke do ni ayeke ga ti ala: katikati ti sese ti ala ayeke londo na benyama na mbage ti Mbongo, ague ngbii asi na ahoto ti Liban na mbage ti Banga. Mbeni katikati ni ayeke londo na yanga ti *bale ti Efrate, na mbage ti To, ague ngbii asi na yanga ti kota ngu-ingo ti Mediterane na mbage ti Do.

Josué 1:3

Ndo so kue gere ti ala ayeke do ni, mbi mu ni na ala awe, tongana ti so mbi mu ando zendo ni na Moïse.

Josué 14:10

Fadeso, a sara ngu baleosio na oku awe so KOTA GBIA atene tënë so na Moïse. Lo tene tënë ni na ndembe so azo ti Israel ayeke tambula na benyama. Ti londo na ndembe ni so ngbii asi laso, KOTA GBIA abata mbi na fini alingbi na zendo ti lo; fadeso mbi yeke na ngu balemiombe na oku.

Awafango-ngbanga 1:20

A mu gbata ti Hebron na Kaleb alingbi na tënë ti yanga ti Moïse so lo tene ando. Kaleb amu gbata ni na maboko ti akete mara ota ti Anak.