Josué 14:8 - Mbeti ti Nzapa - Tënë so amu fini

⁸ A-ita ti mbi so mbi na ala e gue, asara si be ti azo kue awoko. Me ti mbi, mbi mu peko ti KOTA GBIA, Nzapa ti mbi, na be ti mbi kue.

Josué 14:8 ပူးပေါင်းရင်းမြစ်များ

Wungo ti azo 13:31

Me amba ti Kaleb atene: “E lingbi ti tiri bira na azo so pepe, ngbanga ti so ngangu ti ala ahon ti e mingi.”

Wungo ti azo 14:1

Bongbi ti azo ti Israel kue ato nda ti dekongo si azo atoto na bi ni kue.

Wungo ti azo 14:24

Me ti Kaleb, zo ti kua ti mbi, mbeni yingo nde ayeke na lo, lo sara ye alingbi na tënë ti yanga ti mbi, nilaa mbi yeke sara titene lo li na ya ti kodro so lani lo gue, lo *bembe ndo daa; fade *ahale ti lo ayeke mu ni titene aga ti ala.

Wungo ti azo 32:12

Gi Kaleb, molenge ti Yefune, zo ti kete mara ti Kenaz, lo na Josué, molenge ti Nune, ala laa ayeke li kâ, ngbanga ti so ala sara ye alingbi na tënë ti yanga ti mbi KOTA GBIA.’

Ndia ti fani use ni 1:28

E yeke gue ti gi nyen kâ? A-ita ti e asara si be ti e afun kue, ngbanga ti so ala tene: ‘Azo ti sese ni ayeke ngangu ahon e, ala yeke ayongoro zo mingi ahon e. Agbata ti ala akono mingi, angangu gbagba ayeke na tere ni si ayo akpo le ti nduzu.’ Ala baa nga azo ti mara ti Anak kâ!”

Ndia ti fani use ni 1:36

Gi Kaleb oko, molenge ti Yefune laa ayeke baa ni. Fade mbi yeke mu na lo, lo na *ahale ti lo, sese so gere ti lo ado so, ngbanga ti so lo sara ye alingbi na atënë ti yanga ti mbi kue.”

Josué 14:14

Ndani laa, Kaleb, molenge ti Yefune, zo ti kete mara ti Kenaz awara gbata ti Hebron si angba ti lo ngbii asi laso. Lo wara ni, ngbanga ti so lo mu lani peko ti KOTA GBIA, Nzapa ti Israel na be ti lo kue.

Aye so Nzapa afa 14:4

Azo ni so abuba tere ti ala pepe na lege ti bongbingo na awali. Ala yeke mu peko ti Molenge ti Taba na ndo so kue lo yeke gue daa. Nzapa asoo ala na popo ti amba ti ala, azo si ala ga tongana akozo nzoni ye so a mu na lo nga na Molenge ti Taba.