Josué 14:6 - Mbeti ti Nzapa - Tënë so amu fini

⁶ Mbeni lâ, azo ti mara ti Juda aga awara Josué na Gilgal. Kaleb, molenge ti Yefune, zo ti kete mara ti Kenaz atene na lo, atene: “Mo hinga tënë so KOTA GBIA atene na Moïse, zo ti kua ti Nzapa, na ndö ti mbi na mo, kâ na Kades-Barnea.

Josué 14:6 ပူးပေါင်းရင်းမြစ်များ

1 Agbia 13:1

Andaa mbeni zo ti Nzapa alondo na sese ti Juda aga na Betel alingbi na yanga so *KOTA GBIA amu. Na ndembe ni so, Yeroboam angba ti gbi sandaga na ndö ti gbalaka.

1 Agbia 13:14

Lo tumba peko ti zo ti Nzapa so si lo wara lo na lege, andaa lo yeke duti na gbe ti mbeni kota keke. Lo hunda zo ti Nzapa ni, lo tene: “Mo laa mo yeke zo ti Nzapa so mo londo na Juda si mo ga so?” Lo kiri tënë: “Een, mbi laa!”

2 Agbia 4:16

Élisée atene: “Na ngu ti peko, gi na mara ti ngoi so, fade mo yeke yo molenge-koli na maboko ti mo.” Wali ni atene: “Babâ, mbi ke! Mo yeke zo ti Nzapa, tene mvene na zo ti kua ti mo pepe!”

2 Agbia 4:42

Mbeni koli alondo na Baal-Shalisha aga. Lo ga na zo ti Nzapa mapa so a sara na akozo le ti kobe: mapa baleuse so a sara na *orze; lo ga nga na fini le ti *ble na ya ti sake oko, ble so lo fâ ni aninga pepe. Élisée atene na zo ti kua ti lo, atene: “Kangbi ni na azo, ala te!”

2 Agbia 4:9

Wali ni atene na koli ti lo: “Mbi hinga, mbi tene, koli so ayeke ga lakue na ndo ti e so ayeke taa zo ti Nzapa.

2 Agbia 8:11

Mo ye ti baa, Élisée abaa ndo kpoo, lo baa ndo mbage na mbage pepe. Na pekoni, lo to nda ti toto.

2 Agbia 8:7

Mbeni lâ, Élisée ague na gbata ti Damas. Na ngoi ni so Ben-Hadad, gbia ti Sirii ayeke na kobela. Azo atene na gbia ni, atene: “Zo ti Nzapa aga ngbii asi na ndo so.”

1 Mbai 23:14

Ti Moïse, lo yeke zo ti Nzapa; me a diko amolenge ti lo tongana asenge zo na popo ti azo ti mara ti Lévi.

Abia (Psaumes) 90:1

Sambela ti Moïse, zo ti Nzapa. Kota Gbia, ngu na ngu, mo yeke ndo so e yeke kpe daa ti bata tere ti e.

Jérémie 35:4

Mbi ga na ala na ya ti kota da ti KOTA GBIA, na ya ti kota kubu ni so adisiple ti Hanan ayeke duti daa; Hanan ayeke taa zo ti Nzapa, lo yeke molenge ti Igdalia. Kota kubu ni ayeke nduru na tere ti kota ya ti da ti amakonzi si ayeke na nduzu, na ndo so kota kubu ti Maaseya ayeke daa; Maaseya ayeke molenge ti Shalum, wayango-sandaga so ayeke bata yanga ti kota da ti Nzapa.

Wungo ti azo 13:26

Ala ga awara Moïse, Aaron nga na bongbi ti azo ti Israel kue na ya ti benyama ti Paran, na Kades. Azo ni afa peko ti tondo ni na ala nga na bongbi ti azo ti Israel kue, ala fa nga na ala ale ti keke ti kodro ni.

Wungo ti azo 13:30

Kaleb ahunda na azo so akasa Moïse ti kai si lo tene na ala: “E gue! E gue, e mu kodro so. E lingbi ti so benda!”

Wungo ti azo 13:6

Kaleb, molenge ti Yefune, zo ti mara ti Juda;

Wungo ti azo 14:24

Me ti Kaleb, zo ti kua ti mbi, mbeni yingo nde ayeke na lo, lo sara ye alingbi na tënë ti yanga ti mbi, nilaa mbi yeke sara titene lo li na ya ti kodro so lani lo gue, lo *bembe ndo daa; fade *ahale ti lo ayeke mu ni titene aga ti ala.

Wungo ti azo 14:30

Mbi deba yanga ti mbi lani ti mu na ala kodro ni titene ala duti daa. Mbi deba yanga ti mbi awe, fade ala yeke li na ya ti kodro ni pepe, gi Kaleb, molenge ti Yefune na Josué, molenge ti Nune.

Wungo ti azo 14:6

Josué, molenge ti Nune na Kaleb, molenge ti Yefune ayeke lani na popo ti azo so ague ti *bembe ndo na ya ti kodro ni, ala suru bongo na tere ti ala.

Wungo ti azo 26:65

Mbeni zo oko angba pepe, ngbanga ti so KOTA GBIA atene lani na ala, atene: “Fade ala kue ayeke kui na ya ti benyama.” Nilaa mbeni zo oko angba pepe, gi Kaleb, molenge ti Yefune, na Josué, molenge ti Nune.

Wungo ti azo 32:12

Gi Kaleb, molenge ti Yefune, zo ti kete mara ti Kenaz, lo na Josué, molenge ti Nune, ala laa ayeke li kâ, ngbanga ti so ala sara ye alingbi na tënë ti yanga ti mbi KOTA GBIA.’

Ndia ti fani use ni 33:1

So ayeke tufa so Moïse, zo ti Nzapa, asara na ndö ti azo ti Israel kozo titene lo kui laa.

Ndia ti fani use ni 34:10

Na sese ti Israel, mbeni wayanga-Nzapa so akiri aduti tongana Moïse ayeke daa pepe: lo na KOTA GBIA ayeke tene tënë lani le na le.

Ndia ti fani use ni 34:5

Moïse, zo ti kua ti KOTA GBIA akui kâ, na sese ti Moab alingbi na tënë so KOTA GBIA atene.

1 Timothée 6:11

Ti mo zo ti Nzapa, mo kpe lege ti aye so kue. Mo gi lege ti ga mbirimbiri na le ti Nzapa, ti gbu tënë ti lo ngangu, ti duti na mabe, ti duti na ndoye, ti kanga be ti mo na ya ti aye so ayeke si na mo, ti duti nga na wokongo be.

2 Timothée 3:17

si zo ti Nzapa akpengba, lo wara anzoni ye so kue alingbi titene lo sara na nzoni kua.

Josué 10:43

Na pekoni, Josué na azo ti Israel kue akiri na ya ti bâbâ, na Gilgal.

Josué 14:14

Ndani laa, Kaleb, molenge ti Yefune, zo ti kete mara ti Kenaz awara gbata ti Hebron si angba ti lo ngbii asi laso. Lo wara ni, ngbanga ti so lo mu lani peko ti KOTA GBIA, Nzapa ti Israel na be ti lo kue.

Josué 15:17

Otniel, molenge ti Kenaz, ita ti Kaleb, amu gbata ni si Kaleb amu na lo molenge ti lo Aksa titene lo ga wali ti lo.

Josué 4:19

Azo ti Israel afâ ngu ti Jourdain na lango baleoko ti kozo nze ti ngu ni. Ala sara bâbâ ti ala na Gilgal, na To ti Jéricho.