Josué 14:4 - Mbeti ti Nzapa - Tënë so amu fini

⁴ Biani, amolenge ti Joseph akangbi popo ti ala na amara use: mara ti Manase na mara ti Efraim. A mu mbeni mbage ti sese ni oko na azo ti mara ti Lévi pepe, a mu na ala gi akodro titene ala duti daa, na ando ti tengo pere so ayeke na tere ni ndali ti anyama ti ala na akungba ti ala.

Josué 14:4 ပူးပေါင်းရင်းမြစ်များ

Tongo nda ti aye 41:51

Joseph adi iri ti kozo molenge ni Manase, ngbanga ti so lo tene na be ti lo, lo tene: “Nzapa asara si mbi girisa apasi ti mbi nga na azo ti da ti babâ ti mbi.”

Tongo nda ti aye 41:52

Lo di iri ti use molenge ni Efraim, ngbanga ti so lo tene na be ti lo, lo tene: “Nzapa asara si mbi ga zo ti dungo ni na sese so a sara pasi na mbi.”

Tongo nda ti aye 46:20

Na kodro ti Ezipte, Joseph adu Manase na Efraim. Lo du ala na Asenat, molenge ti Potifera ti wali. Potifera ayeke wayango-sandaga ti gbata ti One.

Tongo nda ti aye 48:1

Na peko ti aye so, azo atene na Joseph: “Baa, babâ ti mo ayeke na kobela.” Tongaso Joseph amu amolenge ti lo ti koli Manase na Efraim na tere ti lo si lo gue ti baa babâ ti lo.

Tongo nda ti aye 48:5

Fadeso, amolenge-koli use so mo du ala na sese ti Ezipte kozoni si mbi ga na peko ti mo na kodro ni so, ayeke ti mbi. Efraim na Manase ayeke amolenge ti mbi tongana ti so Ruben na Siméon ayeke amolenge ti mbi so.

Tongo nda ti aye 48:6

Me amolenge so mo yeke du ala na peko ti Efraim na Manase so ayeke ti mo. Fade ala yeke wara ti ala sese ni titene aga ti ala na kodro ti ayaya ti ala.

2 Mbai 30:1

Ezekias atokua azo na azo ti Israel kue nga na azo ti Juda. Lo tokua nga mbeti na azo ti Efraim na ala ti Manase titene ala ga na da ti *KOTA GBIA so ayeke na Jérusalem ti sara *matanga ti Pake ndali ti KOTA GBIA, Nzapa ti Israel.

Wungo ti azo 26:28

Amolenge ti Joseph na lege ti akete mara ti ala ayeke so: Manase na Efraim.

Josué 16:4

Sese so a mu na amara ti Manase na ti Efraim laa; ala yeke *ahale ti Joseph.