Josué 14:2 - Mbeti ti Nzapa - Tënë so amu fini

² A bi mbeni ye ti baa lege so a yeke kangbi sese ni na amara gumbaya na ndambo so ade ti wara sese pepe. Ala sara ni tongana ti so *KOTA GBIA amu yanga na Moïse.

Josué 14:2 ပူးပေါင်းရင်းမြစ်များ

Amato 16:33

Azo ayeke bi ye ti hinga na nda ti ye; tanga ti tënë kue ayeke na yanga ti KOTA GBIA.

Amato 18:18

Azo ayeke bi ka *dee ti kai na papa; ala yeke bi nga ni ti fâ ngbanga na popo ti angangu zo.

Ezekiel 45:1

“Tongana ala yeke kangbi ande sese ni, ala bata mbeni ndali ti *KOTA GBIA, ala zia ni nde ndali ti lo. Fade ayo kudee 25 000 na mbage, kudee 20 000 na mbeni mbage; sese ni kue ayeke nde si ayeke nzoni kue.

Wungo ti azo 26:52

*KOTA GBIA atene na Moïse:

Wungo ti azo 33:54

Ala yeke bi mbeni ye ti baa lege so ala yeke kangbi sese ni na amara ti ala oko oko nga na akete mara ti ala oko oko. Kete mara so azo ni ayeke mingi, fade a yeke mu na ala sese so akono; kete mara so azo ni ayeke mingi pepe, a yeke mu na ala sese so ayeke kete. Mara oko oko ayeke wara sese alingbi gi na ye so a bi si afa.

Wungo ti azo 34:13

Moïse afa atënë so kue na azo ti Israel. Na pekoni, lo tene na ala: “So ayeke sese so KOTA GBIA amu yanga titene a bi mbeni ye si a kangbi ni na popo ti amara gumbaya nga na ndambo ti mara ni laa.

Wungo ti azo 34:17

“Wayango-sandaga Elazar, lo na Josué, molenge ti Nune laa ayeke kangbi sese ni na ala.

Matthieu 25:34

Tongaso, fade Gbia ni ayeke tene na azo so ayeke na mbage ti maboko ti lo ti koli: ‘Ala ga, ala so Babâ ti mbi asara tufa na ndö ti ala; ala ga awa ti *Kodro-gbia ti yayu so lo leke ni ndali ti ala ando, ngbene ye so dunia abaa gigi.

Awatokua 1:26

Na pekoni, ala bi ye ti hinga zo wa laa a soro lo. Ye ni afa Matthias si a zia lo na tere ti awatokua baleoko na oko.

Josué 13:7

Fadeso, mo kangbi sese ni na tanga ti amara gumbaya ni nga na ndambo ti mara ti Manase titene aga ti ala.”

Josué 18:10

Na Silo, Josué abi mbeni ye na dawa ti KOTA GBIA ti baa lege so lo yeke kangbi sese ni na azo ti Israel. Lo kangbi sese ni na ala alingbi na amara ti ala oko oko kue.

Josué 18:6

Tongaso, ala su na mbeti tënë ti asese mbarambara so, ala ga ge afa ni na mbi. Na dawa ti Nzapa, KOTA GBIA ti e, mbi yeke bi mbeni ye ti baa lege so mbi yeke kangbi sese ni na amara ti ala oko oko.