Josué 14:14 - Mbeti ti Nzapa - Tënë so amu fini

¹⁴ Ndani laa, Kaleb, molenge ti Yefune, zo ti kete mara ti Kenaz awara gbata ti Hebron si angba ti lo ngbii asi laso. Lo wara ni, ngbanga ti so lo mu lani peko ti KOTA GBIA, Nzapa ti Israel na be ti lo kue.

Josué 14:14 ပူးပေါင်းရင်းမြစ်များ

Tongo nda ti aye 37:14

Jacob akiri atene: “Mo gue, mo baa a-ita ti mo; ala yeke kâ tongana nyen, anyama ni ayeke kâ tongana nyen? Na pekoni mo ga, mo fa peko ni na mbi.” Jacob ayeke lani na popo-hoto ti Hebron si lo tokua Joseph. Joseph ague, asi na Sishem.

1 Mbai 6:41

Me ayaka na akete kodro so ayeke na tere ti Hebron, a mu ni lani na Kaleb, molenge ti Yefune.

2 Mbai 15:7

Me ti ala fadeso, azo ti Israel, ala gbu ngangu, be ti ala awoko pepe. Fade ala yeke wara futa ti kua ti ala.”

Wungo ti azo 13:6

Kaleb, molenge ti Yefune, zo ti mara ti Juda;

1 Korente 15:58

Tongaso, a-ita ti mbi so mbi ye ala mingi, ala luti ngangu, ye ayingi ala pepe! Ala ngba lakue na sarango kua ti Kota Gbia. Ayeke nzoni, ala hinga atene, kua so ala yeke sara na Kota Gbia, peko ni ayeke ngba senge pepe.

Josué 11:23

Josué amu sese ni kue alingbi na tënë so KOTA GBIA atene ando na Moïse. Na pekoni, Josué amu ni na azo ti Israel titene aga ti ala si lo kangbi ni na lege ti amara ti ala. Tongaso, sese ni aduti na siriri, bira ayeke daa pepe.

Josué 14:13

Josué asara tufa na ndö ti Kaleb, molenge ti Yefune si lo mu na lo gbata ti Hebron titene aga ti lo.

Josué 14:15

Iri ti Hebron ayeke ando Kiriat-Arba. Arba ayeke ando mbeni koli so ayeke kota zo mingi na popo ti azo ti mara ti Anak. Na pekoni, sese ni aduti na siriri, bira ayeke daa pepe.