Josué 14:12 - Mbeti ti Nzapa - Tënë so amu fini

¹² Tongaso, mu na mbi sese ti ahoto so KOTA GBIA amu na mbi zendo ni na ngoi ni so. Na ngoi ni so, mo ma nga atene, azo ti mara ti Anak ayeke lango na ya ti akota gbata so angangu gbagba ayeke na tere ni. Tongana KOTA GBIA ayeke na mbi, fade mbi yeke mu sese ni tongana ti so lo mu zendo ni.”

Josué 14:12 ပူးပေါင်းရင်းမြစ်များ

2 Agbia 19:4

Gbia ti Asirii atokua makonzi ti aturugu ti lo ti zonga Nzapa so ayeke na fini. E hinga pepe, wala KOTA GBIA, Nzapa ti mo ama tënë ti zonga ni kue si lo pika lo ndali ti asioni tënë so lo tene so! Ti mo Ésaïe, sambela Nzapa ndali ti tanga ti azo so angba na fini so.’ ”

2 Mbai 14:11

KOTA GBIA akinda azo ti Etiopii na dawa ti Asa nga na dawa ti aturugu ti Juda; aturugu ti Etiopii akpe.

Abia (Psaumes) 44:3

Na lege ti ngangu ti mo, mo tumba amara nde na ndö ti sese ti ala si mo zia akotara ti e na ndö ti sese ni. Mo sara ngangu na amara ni titene azo ti mo awara ndo.

Abia (Psaumes) 60:12

Gi mo oko Nzapa laa, mo so mo ke e awe so, mo so mo ke ti gue na aturugu ti e na bira so, mo laa mo lingbi fade ti sara ni.

Wungo ti azo 13:28

Gi ye oko, azo ti kodro ni ayeke ngangu mingi, agbata ni akono mingi si a sara angangu gbagba na tere ni. E baa nga *ahale ti azo ti mara ti Anak.

Wungo ti azo 13:33

E baa azo so na ya ti mara ti ala, ala kue ayeke ayongoro yongoro zo, ala yeke ahale ti Anak. E baa tere ti e tongana agbadola; ala nga, ala yeke baa e tongaso.”

Wungo ti azo 21:34

KOTA GBIA atene na Moïse: “Mo sara mbeto ti lo pepe! Mbi zia Og na maboko ti mo awe, lo na aturugu ti lo, na kodro ti lo kue. Fade mo yeke sara na lo gi ye so mo sara na Sihon, gbia ti azo ti mara ti Amori, so aduti na gbata ti Heshebon.”

Rome 8:31

Tongaso, fade e yeke tene nyen na ndö ti tënë so? Tongana Nzapa ayeke na e, zo wa laa alingbi ti ke e?

Ndia ti fani use ni 1:28

E yeke gue ti gi nyen kâ? A-ita ti e asara si be ti e afun kue, ngbanga ti so ala tene: ‘Azo ti sese ni ayeke ngangu ahon e, ala yeke ayongoro zo mingi ahon e. Agbata ti ala akono mingi, angangu gbagba ayeke na tere ni si ayo akpo le ti nduzu.’ Ala baa nga azo ti mara ti Anak kâ!”

Ndia ti fani use ni 9:1

Moïse atene: Azo ti Israel, ala ma! Fadeso ala ga nduru ti fâ ngu ti Jourdain awe. Ala yeke gue ti tumba azo ti amara nde so awu mingi si ala yeke ngangu mingi ahon ala. Ala yeke gue ti mu akota gbata ti amara ni so angangu gbagba ayeke na tere ni si ayo ngbii akpo le ti nduzu.

Ndia ti fani use ni 9:3

Alingbi ala hinga laso atene, *KOTA GBIA Nzapa ti ala wani laa ayeke tambula na dawa ti ala tongana wâ so ayeke gbi ndo kue. Fade lo yeke kinda azo ni na dawa ti ala si lo yeke nika ala. Ala azo ti Israel, ala yeke tumba azo ni si ala yeke fâ ala kue ti hunzi ala gi hio tongaso, alingbi na zendo so KOTA GBIA amu na ala.

Filipe 4:13

Mbi lingbi ti sara aye so kue, ngbanga ti so Christ laa amu na mbi ngangu.

Ahebro 11:33

Na lege ti mabe, ala tiri bira na ambeni gbia si ala mu kodro ti ala. Ala sara aye ti mbirimbiri, ala wara aye so Nzapa amu zendo ni, ala kanga yanga ti abamara;

Josué 15:14

Kaleb atumba azo ti kete mara ota ti Anak na Hebron: mara ti Sheshai, ti Ahiman na ti Talmai.

Awafango-ngbanga 1:20

A mu gbata ti Hebron na Kaleb alingbi na tënë ti yanga ti Moïse so lo tene ando. Kaleb amu gbata ni na maboko ti akete mara ota ti Anak.

1 Samuel 14:6

Jonatan atene na zo so ayeke yo aye ti bira ti lo, atene: “Ga, e gue na ndo so aturugu ti Filistii so ahinga Nzapa pepe so ayeke daa. E hinga pepe, KOTA GBIA ayeke sara nzoni ye ndali ti e. Ataa e yeke mingi wala e yeke mingi pepe, mbeni ye ayeke daa pepe ti kanga lege na KOTA GBIA ti sara si e so benda.”