Josué 14:10 - Mbeti ti Nzapa - Tënë so amu fini

¹⁰ Fadeso, a sara ngu baleosio na oku awe so KOTA GBIA atene tënë so na Moïse. Lo tene tënë ni na ndembe so azo ti Israel ayeke tambula na benyama. Ti londo na ndembe ni so ngbii asi laso, KOTA GBIA abata mbi na fini alingbi na zendo ti lo; fadeso mbi yeke na ngu balemiombe na oku.

Josué 14:10 ပူးပေါင်းရင်းမြစ်များ

Abia (Psaumes) 107:4

Ambeni ahon kirikiri na ya ti benyama, na ndo so ngu ayeke daa pepe, ala ye ti si na mbeni gbata so azo ayeke daa, me ala wara lege ni pepe.

Abia (Psaumes) 91:7

Tongana azo saki oko ati na tere ti mo, wala azo saki baleoko ati na mbage ti maboko ti mo ti koli, fade ye oko ayeke sara mo pepe.

Wungo ti azo 14:30

Mbi deba yanga ti mbi lani ti mu na ala kodro ni titene ala duti daa. Mbi deba yanga ti mbi awe, fade ala yeke li na ya ti kodro ni pepe, gi Kaleb, molenge ti Yefune na Josué, molenge ti Nune.

Wungo ti azo 14:38

Na popo ti azo so ague lani abembe ndo so, gi Josué, molenge ti Nune na Kaleb, molenge ti Yefune laa angba na fini.

Josué 11:18

Josué atiri bira na agbia so na ya ti alango mingi.

Josué 13:1

Josué aga mbakoro awe, ngu ti lo ahon mingi awe si *KOTA GBIA atene na lo: “Mo ga mbakoro awe, ngu ti mo ahon mingi awe. Me tanga ti asese so alingbi titene ala mu ni so angba mingi.

Josué 14:11

Ngangu so mbi yeke na ni laso ayeke tongana ti so mbi yeke na ni ando, na ndembe so Moïse atokua mbi ti bembe ndo so. Ngangu so mbi yeke na ni ando angba fadeso, tongaso mbi lingbi ti gue ti tiri bira wala ti sara mbeni kua nde senge.

Josué 14:9

Na lango ni so, Moïse adeba yanga ti lo, atene: ‘Sese so gere ti mo ado ni so ayeke ga ande ti mo na amolenge ti mo biani biani, ngbanga ti so mo mu peko ti KOTA GBIA, Nzapa ti mbi na be ti mo kue.’