Josué 13:9 - Mbeti ti Nzapa - Tënë so amu fini

⁹ Katikati ti sese ti ala ni na mbage ti Mbongo ayeke gbata ti Aroer so ayeke na yanga ti ngu ti Arnon nga na gbata so ayeke na popo-hoto ti Arnon. Sese ni amu kpangbara sese so kue alondo na Medeba ngbii asi na Dibon,

Josué 13:9 ပူးပေါင်းရင်းမြစ်များ

2 Samuel 24:5

Ala fâ ngu ti Jourdain si ala to nda ti diko wungo ti azo na gbata ti Aroer nga na gbata so ayeke na popo-hoto. Ala hon na sese ti azo ti mara ti Gad si ala mu lege so ague na gbata ti Yazer.

1 Mbai 19:7

Ala futa apusu ti bira 32 000; ala hunda nga na gbia ti Maaka na aturugu ti lo ti mu maboko na ala. Azo ni aga asara bâbâ ti ala na ndo so abaa le na Medeba. Andaa azo ti mara ti Amon asigigi na ya ti agbata ti ala si ala bongbi tere ti ala ti ku ti sara bira.

Néhémie 11:25

Ambeni zo ti mara ti Juda alango na ya ti akete kodro nga na ayaka so ayeke na tere ni: Kiriat-Arba na ando nde nde so ayeke na tere ni, Dibon na ando nde nde so ayeke na tere ni, Yekabseel na akete kodro so ayeke na tere ni,

Ésaïe 15:2

Azo ti Dibon ague ti toto na ndo so a leke na nduzu ti voro anzapa nde daa. Na Nebo nga na Medeba, azo ti Moab ayeke he bia ti demango tere. A kio kua ti li ti azo kue, a fâ kua ti yanga ti azo kue.

Jérémie 48:18

Mo, zo ti gbata ti Dibon, londo na ndö ti mbata ti mo ti gbia, mo zu, mo duti na ndö ti kuru sese. Biani, zo so abuba kodro ti Moab so, lo yeke ga ti tiri bira na mo; lo yeke kungbi na sese gbagba ti mo ti bira.

Jérémie 48:22

ti Dibon, ti Nebo, ti Bet-Diblataim,

Jérémie 48:8

Fade zo ti bubango ye ayeke si na ya ti agbata oko oko, gbata oko ayeke ngba pepe. Lo yeke buba ye kue na popo-hoto nga na kpangbara sese”. Tënë so KOTA GBIA atene laa.

Wungo ti azo 21:30

E kpo azo ni na ale ti kokora ti e; fadeso gbata ti Heshebon abuba awe. Ti londo na Heshebon ngbii asi na Dibon, ye kue abuba awe. E buba ndo kue kue kue awe, ti londo na Nofa ngbii asi na Medeba, kota wâ agbi ye ngbii asi na Medeba.”

Ndia ti fani use ni 2:36

Ti londo na gbata ti Aroer so ayeke na yanga ti ngu ti Arnon ti hon na mbage ti gbata so ayeke na popo-hoto ngbii ti si na Galaad, mbeni gbata oko so akara e ayeke daa pepe. KOTA GBIA Nzapa ti e azia agbata ni kue na maboko ti e.

Ndia ti fani use ni 3:12

Na ngoi ni so, e mu sese so kue ayeke na Banga ti gbata ti Aroer, na tere ti ngu ti Arnon titene aga ti e. Mbi mu ndambo ti sese ti ahoto ti Galaad na azo ti mara ti Ruben nga na azo ti mara ti Gad; mbi mu sese ni na ala na agbata ni kue.

Ndia ti fani use ni 3:16

Ti azo ti mara ti Ruben na ti Gad, mbi mu na ala mbage ti sese so alondo na Galaad ngbii asi na tere ti ngu ti Arnon. Yanga ti ngu ti Arnon ayeke katikati ti sese ni na mbage ti Mbongo; ngu ti Yabok ayeke katikati ni na sese ti azo ti mara ti Amon.

Josué 12:2

Kozo gbia ni ayeke Sihon, gbia ti azo ti mara ti Amori, lo yeke lango na Heshebon. Lo yeke le-gbia na ndö ti ndambo ti popo-hoto ti Arnon nga na ti sese ti Galaad, ti londo na Aroer ngbii asi na ngu ti Yabok so ayeke katikati ti kodro ti azo ti mara ti Amon.

Josué 13:10

amu nga agbata ti gbia Sihon, gbia ti azo ti Amori; Sihon ale-gbia lani na gbata ti Heshebon si lengo-gbia ti lo ague ngbii asi na katikati ti sese ti azo ti Amon.

Josué 13:16

Katikati ti sese ti ala ni na mbage ti Mbongo ayeke gbata ti Aroer so ayeke na yanga ti ngu ti Arnon nga na gbata so ayeke na popo-hoto ti Arnon. Sese ni amu nga kpangbara sese so ayeke na tere ti Medeba;

Josué 13:8

Azo ti mara ti Ruben, ti Gad na kozo ndambo ti mara ti Manase awara ti ala asese ni awe na mbage ti To ti Jourdain. Moïse, zo ti kua ti *KOTA GBIA laa amu na ala titene aga ti ala.