Josué 13:8 - Mbeti ti Nzapa - Tënë so amu fini

⁸ Azo ti mara ti Ruben, ti Gad na kozo ndambo ti mara ti Manase awara ti ala asese ni awe na mbage ti To ti Jourdain. Moïse, zo ti kua ti *KOTA GBIA laa amu na ala titene aga ti ala.

Josué 13:8 ပူးပေါင်းရင်းမြစ်များ

Wungo ti azo 32:19

Me ti e, e ye ti wara ti e sese ni na mbage ti ala kâ pepe. E ye ti wara sese gi na To ti ngu ti Jourdain.”

Ndia ti fani use ni 3:8

Moïse atene: Na ngoi ni so, e mu sese ti agbia use ti azo ti mara ti Amori so aduti na To ti Jourdain, ti londo na ngu ti Arnon ngbii asi na hoto ti Hermon.

Josué 12:1

Azo ti Israel ahon ndö ti agbia use na bira, na To ti ngu ti Jourdain; ala mu asese ti ala, ti londo na ngu ti Arnon ngbii asi na hoto ti Hermon, so ti tene sese ti mbage ti To ti popo-hoto ti Jourdain.

Josué 12:6

Moïse, zo ti kua ti *KOTA GBIA, na azo ti Israel ahon ndö ti agbia use so na bira; Moïse amu akodro ni na azo ti mara ti Ruben, azo ti mara ti Gad nga na ndambo ti mara ti Manase titene aga ti ala.

Josué 13:7

Fadeso, mo kangbi sese ni na tanga ti amara gumbaya ni nga na ndambo ti mara ti Manase titene aga ti ala.”

Josué 13:9

Katikati ti sese ti ala ni na mbage ti Mbongo ayeke gbata ti Aroer so ayeke na yanga ti ngu ti Arnon nga na gbata so ayeke na popo-hoto ti Arnon. Sese ni amu kpangbara sese so kue alondo na Medeba ngbii asi na Dibon,

Josué 22:4

Fadeso, KOTA GBIA, Nzapa ti ala, amu lege na a-ita ti ala ni ti wu tere tongana ti so lo mu lani zendo ni na ala. Ala lingbi ti kiri na ndo ti ala, na sese so Moïse, zo ti kua ti KOTA GBIA, amu na ala titene aga ti ala na To ti ngu ti Jourdain.

Josué 4:12

Azo ti mara ti Ruben, azo ti mara ti Gad, na ndambo ti mara ti Manase amu aye ti bira ti ala, ala hon ti ala kozo ti tanga ti azo ti Israel kue tongana ti so Moïse amu lani yanga na ala so.

1 Samuel 13:7

Ambeni afâ ngu ti Jourdain ague na mbage ti sese ti Gad na ti Galaad. Saul angba na Gilgal; azo so kue amu peko ti lo so, tere ti ala ayeke do na mbeto.