Josué 13:31 - Mbeti ti Nzapa - Tënë so amu fini

³¹ Ndambo ti sese ti Galaad nga na agbata ti Ashetarot na ti Edrei so ayeke ando agbata ti kodro-gbia ti Og na sese ti Bashan, kue ayeke na ya ni. Sese ni ayeke ando ti azo ti kete mara ti Makir, molenge ti Manase.

Josué 13:31 ပူးပေါင်းရင်းမြစ်များ

Abia (Psaumes) 60:7

Na lege ti ngangu ti mo, zi e, kiri tënë na e; tongaso si e azo ti mo so mo ye e mingi, fade e soo kuâ.

Ezekiel 48:4

Ti to nda ni na yanga ti sese ti Neftali, ti londo na To ngbii asi na Do, ti Manase sese ni laa.

Josué 12:4

Use gbia ni ayeke Og, gbia ti Bashan, lo yeke tanga ti azo ti mara ti Refa so angba; lo yeke lango na Ashetarot nga na Edrei.

Josué 13:12

Kodro-gbia ti Og ayeke nga na ya ti sese ti ala. Og ayeke tanga ti azo ti mara ti Refa so lo le-gbia na ndö ti Ashetarot nga na ndö ti Edrei, so ayeke na sese ti Bashan. Moïse ahon ndö ti azo ni na bira si lo mu asese ni na maboko ti ala.

Josué 13:32

Asese so Moïse akangbi ni na azo ti Israel titene aga ti ala na ndembe so lo yeke na lando ti Moab so laa. Asese ni ayeke na To ti Jéricho, na mbage ti ngu ti Jourdain.

Josué 17:5

A mu na mara ti Manase mbage ti sese baleoko; a diko sese ti Galaad na ti Bashan so ayeke na mbage ti ngu ti Jourdain so daa pepe.

Josué 17:6

Biani, a mu sese gi na akoli ti mara ti Manase pepe, a mu nga na awali ti oko mara ni. Me sese ti Galaad ayeke ti ambeni hale ti Manase.

Josué 9:10

na ye so lo sara na agbia use ti azo ti mara ti Amori so ayeke na mbage ti ngu ti Jourdain. Agbia ni ayeke Sihon, gbia ti Heshebon, na Og, gbia ti Bashan so ayeke lango na Ashetarot.

Awafango-ngbanga 10:6

Azo ti Israel akiri asara ye so ayeke sioni na le ti *KOTA GBIA: ala voro anzapa *Baal na *Astarte. Ala voro nga anzapa ti azo ti Sirii, ti Sidon, ti Moab, ti Amon na ti azo ti Filistii. Ala do KOTA GBIA azia si ala kiri avoro lo pepe.

Awafango-ngbanga 5:17

Azo ti mara ti Galaad angba ti ala na mbage ti To ti ngu ti Jourdain. Ngbanga ti nyen laa azo ti mara ti Dan ayeke lango ti ala na tere ti amangboko so? Azo ti mara ti Aser ayeke ti ala na yanga ti kota ngu-ingo, ndo so amangboko ayeke luti daa!

1 Samuel 12:10

Akotara ti ala akiri atoto na KOTA GBIA, atene: ‘KOTA GBIA, e sara siokpari awe, ngbanga ti so e zia mo si e sara kua na ayanda ti *Baal na ti *Astarte. Me fadeso, zi e na maboko ti awato ti e si fade e sara kua na mo.’

1 Samuel 7:3

Tongaso, Samuel atene na azo ti Israel kue, atene: “Tongana ala kiri na KOTA GBIA na be ti ala kue, ayeke nzoni ala zi na popo ti ala anzapa ti awande nga na ayanda ti *Astarte. Ala zia be ti ala na ndö ti KOTA GBIA, ala sara kua gi na lo oko si fade lo zi ala na maboko ti azo ti Filistii.”