Josué 13:25 - Mbeti ti Nzapa - Tënë so amu fini

²⁵ Sese so ala wara ayeke sese ti Yazer, agbata ti Galaad kue na ndambo ti sese ti azo ti Amon, ague ngbii asi na Aroer, so ayeke baa le na Raba.

Josué 13:25 ပူးပေါင်းရင်းမြစ်များ

2 Samuel 11:1

Na tongo nda ti ngu, na ngoi so agbia ayeke gue ka ti tiri bira, David atokua Yoab, na aturugu ti kota kamba nga na aturugu ti Israel kue ti fâ azo ti Amon, ti ngoro Raba, li-kodro ni ti mu ni na bira. Me David angba ti lo na Jérusalem.

2 Samuel 12:26

Yoab atiri bira na azo ti Raba, li-kodro ti azo ti Amon; lo mu vaka so gbia ni ayeke lango daa.

2 Samuel 24:5

Ala fâ ngu ti Jourdain si ala to nda ti diko wungo ti azo na gbata ti Aroer nga na gbata so ayeke na popo-hoto. Ala hon na sese ti azo ti mara ti Gad si ala mu lege so ague na gbata ti Yazer.

1 Mbai 26:31

Yeria ayeke nga daa; lo yeke makonzi ti azo ti kete mara ti Hebron. Na ngu baleosio ni so David ayeke gbia, a gi ti hinga molongo ti dungo ti azo ti kete mara ni so; nilaa na kodro ti Yazer, na sese ti Galaad, a wara akpengba turugu na popo ti ala.

Ésaïe 16:8

Ayaka ti Heshebon ahole kue, ayaka ti vinye ti Sibma ahole nga kue: vin ti ala ayeke kinda ando amakonzi ti amara nde. Ayaka ni ague ngbii asi na Yazer, amu ndo ngbii asi na benyama; amaboko ti akeke ni ague ngbii asi na mbage ti kota ngu ti Gba-ti-ingo kâ.

Ésaïe 17:2

Agbata so ayeke na gbe ti Damas, fade ayeke ngba senge senge biani biani. Agbata ni ayeke ga ndo so ataba na angasa ayeke te pere daa si ala yeke lango daa, zo oko ti zia mbeto na be ti ala ayeke daa pepe.

Jérémie 48:32

Mbi yeke toto ndali ti mo, *vinye ti Sibma, ahon ti so mbi yeke toto ndali ti azo ti Yazer. Amaboko ti keke ti mo ague ngbii asi na mbage ti kota ngu-ingo kâ, ague ngbii asi na kota ngu-ingo ti Yazer. Me zo ti bubango ye aga si abuba ale ti keke ti mo nga na ale ni so mo ko ni awe so.

Ezekiel 21:20

Yongoro zeme ni ayeke woko be ti azo ni, ayeke sara si ala ti gbani gbani. Mbi zia yongoro zeme ti fango zo na yanga ti ada kue; a sara ni ti bi na wâ ti bekpa, yanga ni aza ti fâ na azo kue.

Amos 1:14

Fade mbi yeke zia wâ na gbagba ti Raba si wâ ni ayeke gbi ayangbo ti gbata ni kue na lango ti bira, na popo ti dekongo ti bira, na ndembe so pupu ti ngu-Nzapa na ngangu pupu ayeke ya.

Wungo ti azo 21:32

Moïse atokua azo ti *bembengo ndo ti baa ya ti gbata ti Yazer. Na pekoni, azo ti Israel amu akodro so ayeke na tere ni. Ala tumba azo ti mara ti Amori so aduti lani kâ.

Wungo ti azo 32:35

ti Atrot-Shofan, ti Yazer, ti Yogboha,

Ndia ti fani use ni 2:19

Ala yeke si na ndo so abaa le na sese ti azo ti mara ti Amon. Ala gi tënë na azo ti mara ti Amon ni pepe; ala tiri bira na ala pepe! Biani, fade mbi yeke mu sese na ala pepe na ya ti kodro ti azo ti mara ti Amon ni. Mbi mu sese ni na ahale ti Lot awe titene aga ti ala.”

Ndia ti fani use ni 3:11

– Og, gbia ti Bashan ayeke tanga ti azo ti mara ti Refa so angba na fini. Laso na Raba, li-kodro ti azo ti mara ti Amon, azo angba ti baa gbogbo ti lo, gbogbo ti lo ti wen so yongoro ni ahon metere osio, nduru ni ayeke metere use. –

Josué 13:11

Sese ti Galaad, ti Geshur na ti Maaka, hoto ti Hermon nga na Bashan, ague ngbii asi na Salka, kue ayeke na ya ti sese ti ala.

Josué 13:24

Moïse amu sese na azo ti mara ti Gad alingbi na akete mara ti ala.

Josué 13:26

Sese ni akiri alondo na Heshebon ague ngbii asi na Ramat-Mispe nga na Betonim; akiri alondo na Mahanaim ague ngbii asi na sese ti Lo-Dabar.

Josué 21:39

Heshebon na Yazer.

Awafango-ngbanga 5:17

Azo ti mara ti Galaad angba ti ala na mbage ti To ti ngu ti Jourdain. Ngbanga ti nyen laa azo ti mara ti Dan ayeke lango ti ala na tere ti amangboko so? Azo ti mara ti Aser ayeke ti ala na yanga ti kota ngu-ingo, ndo so amangboko ayeke luti daa!