Josué 13:15 - Mbeti ti Nzapa - Tënë so amu fini

¹⁵ Moïse amu sese na azo ti mara ti Ruben alingbi na akete mara ti ala.

Josué 13:15 ပူးပေါင်းရင်းမြစ်များ

Tongo nda ti aye 35:23

Amolenge ti Lea ayeke so: Ruben, kozo molenge ti Jacob, Siméon, Lévi, Juda, Isakar na Zabulon.

Sigingo 6:14

Iri ti ababâ ti asewa ti azo ti Israel na lege ti molongo ni ayeke so: Ruben, kozo molenge ti Jacob. Amolenge ti Ruben ti koli ayeke so: Hanok, Palu, Hesron na Karmi. So ayeke akotara ti akete mara ti Ruben laa.

Ezekiel 48:6

Ti to nda ni na yanga ti sese ti Efraim, ti londo na To ngbii asi na Do, ti Ruben sese ni laa.

Josué 13:14

Gi azo ti mara ti Lévi oko laa Moïse amu na ala sese pepe titene aga ti ala. Biani, ye so aga ti ala ayeke gi *asandaga so a yeke gbi ni kue na wâ, so azo amu na KOTA GBIA, Nzapa ti Israel, tongana ti so KOTA GBIA wani amu zendo ni na ala.

Josué 13:16

Katikati ti sese ti ala ni na mbage ti Mbongo ayeke gbata ti Aroer so ayeke na yanga ti ngu ti Arnon nga na gbata so ayeke na popo-hoto ti Arnon. Sese ni amu nga kpangbara sese so ayeke na tere ti Medeba;

Josué 22:4

Fadeso, KOTA GBIA, Nzapa ti ala, amu lege na a-ita ti ala ni ti wu tere tongana ti so lo mu lani zendo ni na ala. Ala lingbi ti kiri na ndo ti ala, na sese so Moïse, zo ti kua ti KOTA GBIA, amu na ala titene aga ti ala na To ti ngu ti Jourdain.

Awafango-ngbanga 11:20

Me Sihon azia be ti lo na ndö ti azo ti Israel pepe, lo ke titene ala hon na sese ti lo. Lo bongbi aturugu ti lo, ala gue, aleke bâbâ ti ala na Yahas si ala sara bira na azo ti Israel.