Josué 13:10 - Mbeti ti Nzapa - Tënë so amu fini

¹⁰ amu nga agbata ti gbia Sihon, gbia ti azo ti Amori; Sihon ale-gbia lani na gbata ti Heshebon si lengo-gbia ti lo ague ngbii asi na katikati ti sese ti azo ti Amon.

Josué 13:10 ပူးပေါင်းရင်းမြစ်များ

Ndia ti fani use ni 1:4

Moïse atene atënë ni na ala na peko ti so lo kinda Sihon, gbia ti azo ti mara ti Amori so ayeke lango na gbata ti Heshebon; lo kinda nga na gbata ti Edrei, Og, gbia ti Bashan so ayeke lango na gbata ti Ashetarot.

Ndia ti fani use ni 2:19

Ala yeke si na ndo so abaa le na sese ti azo ti mara ti Amon. Ala gi tënë na azo ti mara ti Amon ni pepe; ala tiri bira na ala pepe! Biani, fade mbi yeke mu sese na ala pepe na ya ti kodro ti azo ti mara ti Amon ni. Mbi mu sese ni na ahale ti Lot awe titene aga ti ala.”

Josué 13:11

Sese ti Galaad, ti Geshur na ti Maaka, hoto ti Hermon nga na Bashan, ague ngbii asi na Salka, kue ayeke na ya ti sese ti ala.

Josué 13:9

Katikati ti sese ti ala ni na mbage ti Mbongo ayeke gbata ti Aroer so ayeke na yanga ti ngu ti Arnon nga na gbata so ayeke na popo-hoto ti Arnon. Sese ni amu kpangbara sese so kue alondo na Medeba ngbii asi na Dibon,