Josué 12:6 - Mbeti ti Nzapa - Tënë so amu fini

⁶ Moïse, zo ti kua ti *KOTA GBIA, na azo ti Israel ahon ndö ti agbia use so na bira; Moïse amu akodro ni na azo ti mara ti Ruben, azo ti mara ti Gad nga na ndambo ti mara ti Manase titene aga ti ala.

Josué 12:6 ပူးပေါင်းရင်းမြစ်များ

1 Agbia 4:19

Geber, molenge ti Uri, ayeke govoronere ti sese ti Galaad na ti sese ti Sihon, gbia ti azo ti mara ti Amori nga na ti Og, gbia ti Bashan. Na tere ti agovoronere baleoko na use so, govoronere oko ayeke lani na sese ti Juda.

Wungo ti azo 32:29

Lo tene na ala: “Tongana azo ti mara ti Gad na ti Ruben afâ ngu ti Jourdain legeoko na ala, azo ti Israel, tongana azo ti Gad na ti Ruben amu aye ti bira ti gue na bira na dawa ti KOTA GBIA, tongana ala mu tanga ti kodro ni awe, ayeke nzoni a mu na ala sese ti Galaad titene aga ti ala, na ti amolenge ti ala.

Wungo ti azo 32:32

E yeke mu aye ti bira ti hon na sese ti Kanaan na dawa ti KOTA GBIA; me e yeke wara sese titene aga ti e na mbage ti ngu ti Jourdain ge.”

Wungo ti azo 32:33

Tongaso Moïse amu na azo ti mara ti Gad na ti Ruben, nga na ndambo ti mara ti Manase, molenge ti Joseph kodro-gbia ti Sihon, gbia ti azo ti Amori; lo mu nga na ala kodro-gbia ti Og, gbia ti Bashan, na akodro nga na agbata so angoro ni.

Josué 14:3

Moïse amu lani sese na amara use na ndambo na mbage ti ngu ti Jourdain kâ awe titene aga ti ala. Me na azo ti mara ti Lévi, lo mu sese na ala pepe.

Josué 18:7

Me ti azo ti mara ti Lévi, ala yeke wara sese pepe ti ga ti ala. Biani, ti ala ye so ala wara ayeke kua ti yango *sandaga na KOTA GBIA. Ti azo ti mara ti Gad, ti Ruben na ti ndambo ti mara ti Manase, ala wara ti ala sese ni titene aga ti ala na mbage ti To, na mbage ti ngu ti Jourdain awe. Moïse, zo ti kua ti KOTA GBIA laa amu ni na ala.”

Josué 22:4

Fadeso, KOTA GBIA, Nzapa ti ala, amu lege na a-ita ti ala ni ti wu tere tongana ti so lo mu lani zendo ni na ala. Ala lingbi ti kiri na ndo ti ala, na sese so Moïse, zo ti kua ti KOTA GBIA, amu na ala titene aga ti ala na To ti ngu ti Jourdain.