Josué 12:3 - Mbeti ti Nzapa - Tënë so amu fini

³ Sihon ayeke le-gbia nga na ndö ti sese so ayeke na To ti popo-hoto ti Jourdain, sese so ayeke na tere ti kota ngu ti Genezaret, na mbage ti Banga, ague ngbii asi na kota ngu ti Gba-ti-ingo, nduru na Bet-Yeshimot si na mbage ti Mbongo, sese so ayeke na gbe ti hoto ti Pisga.

Josué 12:3 ပူးပေါင်းရင်းမြစ်များ

Tongo nda ti aye 14:3

Ala kue abongbi na popo-hoto ti Sidim, so kota ngu ti Gba-ti-ingo ayeke daa laso so.

Tongo nda ti aye 19:25

Lo sara si aye ti agbata ni aga kirikiri: lando ni kue, azo ti agbata ni kue, akeke na apere ni kue.

1 Agbia 15:20

Ben-Hadad ayeda na tënë ti gbia Asa si lo tokua amakonzi ti aturugu ti lo ti gue ti tiri bira na agbata ti Israel. Ala mu agbata ti Yon, ti Dan, ti Abel-Bet-Maaka nga na sese ti Kineret, na tanga ti sese ti Neftali kue.

Ezekiel 25:9

Ndali ni, fade mbi yeke sara titene awato aga atiri bira na agbata so kue akanga lege ti lingo na kodro ti Moab. Awato ni ayeke buba agbata ni na peko ti tere, na peko ti tere, ataa apendere gbata tongana: Bet-Yeshimot, Baal-Meon na Kiriataim.

Wungo ti azo 21:20

Ala londo na Bamot, ala si na popo-hoto so ague na sese ti Moab; popo-hoto ni ague ngbii asi na hoto ti Pisga, ndo so zo alingbi ti baa benyama ni kue.

Wungo ti azo 34:11

Katikati ni ayeke londo na Shefam ti zu ti gue na mbage ti Ribla, na To ti Ain. Na pekoni, katikati ni ayeke zu ngbii andu tere ti kota ngu ti Genezaret, na mbage ti To.

Nzoni Tënë so Luc asu na mbeti 5:1

Mbeni lâ, Jésus aluti na yanga ti kota ngu ti Genezaret, gba ti azo aga na tere ti lo si ala yeke gbugburu tere ti ma tënë ti Nzapa.

Jean 6:1

Na pekoni, Jésus amu lege, lo gue na mbage ti kota ngu ti Galile, so mbeni iri ni Tiberiade.

Ndia ti fani use ni 3:17

Katikati ti sese ni na mbage ti Do amu tere ti popo-hoto ti Jourdain ti gue na ni, ti londo na kota ngu ti Genezaret ngbii asi na kota ngu ti Gba-ti-ingo, ague ngbii asi na gbe ti hoto ti Pisga, na mbage ti To.

Ndia ti fani use ni 4:49

so ti tene sese so kue ayeke na mbage ti To ti ngu ti Jourdain, ague ngbii asi na kota ngu ti Gba-ti-ingo, na gbe ti hoto ti Pisga.

Josué 11:2

Lo tokua nga na agbia so ayeke na sese ti ahoto so ayeke na Banga, na ala so ayeke na popo-hoto ti Jourdain, na mbage ti Mbongo ti kota ngu ti Genezaret, na ala so ayeke na *Kodro-ti-gbeni, na ala so ayeke na sese ti lando ti Dor na mbage ti Do.

Josué 13:20

Bet-Peor, atere ti hoto ti Pisga na Bet-Yeshimot.

Josué 15:2

Katikati ti sese ti ala na mbage ti Mbongo, alondo na yanga ti kota ngu ti Gba-ti-ingo, so ayeke baa le na sese ti mbage ti Mbongo.

Josué 15:5

Na mbage ti To, katikati ti sese ni ayeke kota ngu ti Gba-ti-ingo, ague ngbii asi na ndo so ngu ti Jourdain ayeke tuku daa na ya ti kota ngu ti Gba-ti-ingo ni. Na ndo so nga laa katikati ti mbage ti Banga ato nda ni daa.

Josué 3:16

ngu so alondo na mbage ti nduzu ti sua na gbeni akai ti sua, mo baa mo tene, a kanga ni kangango. Ngu ni aluti yongoro kâ na gbata ti Adam so ayeke nduru na gbata ti Sartan. Ngu so ayeke sua ti gue na gbeni na ya ti kota ngu ti Gba-ti-ingo ahon biani biani. Azo ni afâ ngu ti Jourdain na ndo so abaa le na gbata ti Jéricho.