Ala azo ti Maresha, fade KOTA GBIA ayeke tokua mbeni zo ti gue ti mu kodro ti ala na ngangu. Fade amakonzi ti Israel, so azo ane ala mingi, ayeke gue ti honde tere ti ala kâ na ya ti kota du ti Adulam.
Gi na lango ni so, Josué amu gbata ti Makeda si lo fâ gbia ni na azo ti gbata ni kue; lo zia zo oko angba na fini pepe. Mara ti ye so lo sara na gbia ti Jéricho so, gi ni laa lo sara na gbia ti Makeda.
David alondo na ndo so, lo kpe, lo gue, lo honde tere ti lo na ya ti du ti têne na Adulam. A-ita ti lo na asewa ti babâ ti lo kue ama tënë ni si ala gue, awara lo.
