Josué 11:9 - Mbeti ti Nzapa - Tënë so amu fini

⁹ Josué asara na ala alingbi na yanga so KOTA GBIA amu na lo: lo fâ akamba ti ngbongo ti ambarata ti ala si lo gbi apusu ti mbarata ti ala.

Josué 11:9 ပူးပေါင်းရင်းမြစ်များ

Tongo nda ti aye 49:6

Mbi ye ti li na ya ti bongbi ti lekengo tënë ti ala pepe, mbi yeke bongbi tere na ala pepe. Na ya ti ngonzo ti ala, ala fâ zo, ndali ti nzerengo tere ti ala, ala fâ ngbongo ti akoli-bagara.

2 Samuel 8:4

David agbu aturugu 1 700 so ayeke kpe na ambarata nga na asenge turugu 20 000. Lo fâ akamba ti gere ti ambarata so kue ayeke kpe na pusu, me lo bata ambeni mbarata ni 100 ndali ti lo wani.

Abia (Psaumes) 46:10

Lo kai abira ngbii asi na nda ti sese kue; lo fâ ya ti akokora, lo kungbi ya ti alikongo, lo gbi apusu ti mbarata ti bira.

Nahum 2:13

Bamara ni ayeke fâ nyama, lo yeke suru ya ti nyama ni, lo zia na wali ti lo nga na amolenge ti lo. Lo yeke sara si ya ti du ti lo asi singo na anyama; du ti lo so lo yeke lango daa so asi singo na anyama so lo suru ya ti ala kete kete.

Josué 11:6

*KOTA GBIA atene na Josué: “Sara mbeto ti ala pepe, ngbanga ti so kekereke, gi na oko ngbonga so, mbi yeke zia azo ni kue na maboko ti azo ti Israel, nduru na kuâ. Fade mo yeke fâ akamba ti ngbongo ti ambarata ti ala si mo yeke gbi apusu ti mbarata ti ala.”